الحمدلله ع التعادل اللي ما توقعته ابد
للأسف اختلف مع اغلب الاخوان في تحليلهم .. ضعف الفريق على المستوى الدفاعي كان بسبب ضعف الاطراف دفاعياً و ضعف الوسط لـ مساندة الدفاع
لوليتش و كافاندا داااااااجين دفاعياً و ما يعرفون يساندون المدافعين سياني و كانا اللي تحملوا عبء كبير بسبب ضعف الاطراف و عدم مساندة الوسط لهم
و بيغليا اتضح انه ما يصلح يلعب كـ محور صانع لعب ساقط مثل بيرلو في ظل التشكيلة الحاليـه .. بالشوط الثاني و مع تغيير الخطة الى 4-4-2 و عودة بيغليا كـ محور عادي لا متقدم و لا ساقط ادى بشكل افضل لأنه واضح ان ضعيف دفاعياً
الخطة لعبناها كـ المعتاد 4-1-4-1 على الورق .. لكن للأسف على الواقع لعبنا بـ 2 دفاع فقط و الباقي هجوم و كأنها خطة زيمان الغبيه !!
هذا اللي شفته بصراحـة .. الاظهرة تتقدم بشكل مبالغ فيه و تترك مساحات خلفها و اللي معلمهم بالمخروط الاصفر .. هاذي المخاريط هي اللي لعب عليها الاتراك .. لعب الكرات خلف كافاندا و لوليتش و هالشي يضع ضغط اكبر على سياني و كانا لـ تغطيه هذا الموقع الفاضي اللي تاركه الظهير و طاير لـ قدام .. و تغطيه المدافعين لـ هالمواقع الفاضيه طبيعي تفتح ثغرات في قلب الدفاع و مع عدم وجود مساندة من الوسط شفنا دفاعنا كارثي صراحة
شخصياً ما احب اظلم كافاندا و لوليتش كثير لأنهم مو اللاعبين الاساسيين .. دفاعنا ما يفتح بهالشكل مع كونكو و رادو .. لوليتش ضعيف على المستوى الدفاعي و خاصة التكتيك الدفاعي و شفنا هالشي قدام اليوفنتوس .. و كافاندا ما يصلح كـ ظهير اساسي هو من الاظهره الضعيف دفاعياً و لكن يعتمد على سرعته لـ تغطيه اخطاءه .. مثل حالة ليشتسستاينر معانا .. هاللاعبين ينجحون في وضعهم كـ جناح متأخر بـ خطط الثلاثي الدفاعي مثل 3-4-3 او 3-5-2 لما يلعبون كـ وسط بعيداً عن الواجبات الدفاعيه الضروريه لهم
غير الدفاع للأسف ما عجبني ايضاً استمرارنا على اللعب على الاطراف فقط من الجانب الهجومي
مفاتيح اللعب عندنا معدومه ما عندنا غير كاندريفا اللي يجنح فقط
في طريقنا هاذي و تشكيلة الفريق المفروض تكون في طقطقه و تمريرات قصيرة في وسط الملعب و تمريرات مفاجئة الى العمق و اختراق الدفاع التركي و بالصورة علمت عليهم بالعلم الاصفر و الاحمر
هاذي المنطقة هي اللي المفروض تكون قوتنا في ظل لعبنا بـ 5 وسط
لكن للأسف ان اسلوب لعبنا فقط يعتمد على الاطراف في المناطق اللي معلم عليهم بـ صورة الكرة
بالشوط الثاني و مع دخول فلوكاري و ايديرسون و كيتا و تحويل الخطة الى 4-4-2 كلاسيكيه .. تغير لعبنا و اصبح افضل و جبنا التعادل
بيريا تحرر من الواجب الهجومي كـ رأس حربه و لعب بالتبادل مع فلوكاري كـ مهاجم ثاني و قدم مستوى ممتاز و اعجبني بصراحـة
مرتين يلعب اسيسيت من بين رجول المدافع التركي و الى عمق منطقة الجزاء و نجيب منها هدفين .. اتمنى في ظل غياب كلوزه ان بيتكوفيتش يعتمد على بيريا و فلوكاري او كيتا و نلعب بـ هجوم اثنين
اندرسون للأسف ما عجبني كثير و لازال من المبكر الحكم عليه .. كل ما جته الكرة كان واضح انه يبي يراوغ و يبي يشوت و يبي يسجل .. واضح انه مضغوط بما انه اغلى صفقة حالياً في الميركاتو
هيرنانيس يلعب من دون نفس لا دفاعياً ولا هجومياً .. و بصراحة انا حاط عليه اكس هالموسم
كاندريفا هو نجم فريقنا لكن هالمباراة ما كان بالفورمه
اونازي هجومياً اعجبني لكن دفاعياً ما اعجبني .. طاير حاله حال كافاندا و ولوليتش لـ قدام و المفروض انه يلعب بـ ركاده و ما يتقدم كثير دام ان المحور اللي جنبه هجومي هيرنانيس و لذلك يبقى بيغليا وحيد بالخلف
بيتكوفيتش لازم يراجع حساباته خصوصاً حول هالخطة 4-1-4-1 .. في ظل هالاصابات ما تصلح حالياً نهائياً
من وجهة نظري الاجدر اللعب بـ طريقة 3-5-2 خصوصاً ان عندنا لاعبين قادرين يطبقون هالتكتيك
اضافة الى ان بيتكوفيتش عليه ان لا يجامل احد على حساب الفريق .. في لاعبين يلعبون من دون نفس و اداءهم عليه استفهامات كثيرة
المباراة القادمه ضد الفيولا و اتمنى فريقنا ما يطيح بـ نفس هالاخطاء خصوصاً ان خطة مونتيلا تعتمد على توسيع و فتح الملعب لذلك في فراغات كثيرة راح يستغلونها اذا بيتكوفيتش ما ضبط الاطراف و ركز على المساندة الدفاعيه من الوسط
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض المتطور
