هذي هي المواجهه الثانيه للاتسيو مع أتليتكو مدريد ... المواجهه الأولى كانت في بطولة أياكس الوديه عام 2007 وبوقتها فاز الأتليتكو 3-1
المباراة في غاية الصعوبة .. والأتليتكو مو جاي يتفرج ولاعبينه قاعدين يصرحون مع مدربهم أنهم متحدين
باليورو ليج الأتليتكو حاله من حال لاتسيو واجه صعوبات ومجموعته كانت قوية بوجود أودينيزي وسيلتيك لكنه نجح بالتأهل منها
هم بكل تأكيد قوتهم الهجوميه كبيره مو بسبب وجود فالكاو .. بل بسبب كثرة الأجنحه عندهم وكثرة لاعبين الوسط الهجوميه + سيميوني طريقة لعبه هجوميه وهذا ممكن يسبب خطر علينا
بالنسبة لفريق لازم بهذي المباراة نلعب على العمق لأن الأطراف مايجي منها نتيجة بإستنثاء لوليتش .. ولازم لاعبينا يعتمدون على التسديد من خارج المنطقة لأن هالشي هذا معدوم بالنسبة لفريقنا
كثرة الإصابات أكيد لها تأثير لكن وجود اللاعبين الحاليين كأساسيين يعطيهم دافع كبير للتألق حتى ينالون ثقة المدرب والأستمراريه اكيد تعطي النجاح للاعب
الخطة الي راح يلعب فيها ريّا هي الأنسب حالياً .. لكن لا ينسى ريّا أن أتليتكو يملك لاعبين مهاريين وسريعين وهذا يحتاج دفاع قوي لكن مو معناتها أدافع طول المباراة
فرصتنا إذا أردنا التأهل هو حسم المباراة من يوم الخميس وعدم الأهتمام لمباراة الإياب لأني وبصراحه ماني متأمل خير من الفريق في إسبانيا
ولازم مايدخل مرمانا أي هدف حتى لا نضيع بالمباراة وولا نضيع بالإياب ..
أتمنى من كل قلبي أن الشوط الأول ينتهي بتقدمنا 2-0 حتى بالشوط الثاني نسكر ونعتمد عالمرتدات الي ممكن تجي منها أهداف وبهذي الطريقه نقدر نفوز بنتيجة مريحه 3 أو 4 صفر ونضمن تأهلنا بنسبه كبيره
بالتوفيق للنسور يوم الخميس والله يعطيك العافيه أخوي على التقديم
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض الشجري
