Corrire Dello Sport و منتدى لاتسيو للعرب ا!!!!!!لرجاء الدخول

[بو سلمان]

هلا اخوي .. انا عن نفسي اعرف زراتي جدا ً و تابعته في 3 مراحل ..

المرحله الاولى شفته مع منتخب الارجنتين للشباب في كاس العالم و كان مبدع بشيء غير طبيعي و ابدع فعلا ً في هذي ا في هذي البطوله الا ان ارغويرو طبعا ً كان الاميز ..

المرحله الثانيه مع السد القطري .. كان بمثابه المفاجاءه في الاوساط الخليجيه خصوصاً انه يعد احد مواهب الارجنتين المتفجره .. واللي كان يفاجىء الجميع فعلا ً هو العرض الخيالي اللي قدمه السد وهو 20 مليون دولار ..

لكن السد دخل في هذي الصفقه مع اسباير للاستثمار ..

عموما زراتي مع السد كان اقل من المستوى بكثير ولا يقدم حتى ربع اللي قدمه في بطوله الشباب وقد يكون ذالك لعوامل كثيره ..

المرحله الثالثه مع برمينجهام ستي .. كان زراتي احتياطي بس مثل ما قلت سابقا ً في ردودي لازم لازم المدرب يدخله الشوط الثاني و صاروا جمهور برمنجهام يتفائلون اذا دخل و فعلا ً بدى يعود الى مستواه شيء فـ فشيء لكن لحد الان اقول ان مستواه في كاس العالم للشباب مغاير و هو نفس مستواه في الدوري الارجنتيني مع ساسفيلد ..

و باالنسبه عن اراءنا في الصفقه .. انا اقول ان شاءالله الصفقه ناجحه بس الايد الوحده ما تصفق

زراتي لاعب صغير في السن و اذا تسلط عليه الاعلام و اصبح تحت ظغط جمهور الاليمبكو في ايطاليا يمكن يكون له مردود سلبي عليه .. يعني لازم بعد بل ضروري تدعيم فريقنا بنجوم اخرين و اتمنا من الارجنتين امثال بلاسيو و فرنانديز و الاهم الان بلاسيو ليكتمل عقد الهجوم و يخف الضغط المتوقع على زراتي ..

وان شاءالله اني افدتك اخوي ..