موعدنا 13 مايو يا نسور الـشـرقـيــــة (اتفضلوا)

[أبو رباع]

السلام عليكم و رحمة الله و بركاته ,.


نبيكم عالموعد

مافي تأخير

و اللي يتأخر لازم يجيب لاتسيالي ثاني وياه (شفتوا الضريبة اشلون )

و نبيكم كاشخين

نبغي نفرح و نتونس

نبغي ندلع

يا جماعة

يا نسور الشرقية

مباراة لاتسيو - سامبدوريا نهائي الكأس الايطالية


في مقهى الأندلسية بالعزيزية (بس لازم نتأكد عندهم أيه آر تي أو لأ)

ربع البحرين الله محييهم

و اذا تبون محل ثاني - سجل اقتراحك و نشوف تصطب على شنو

أنا إن شاء الله إن شاء الله (أكون فاضي - لأن الجامعة ممكن بأي وقت يطلعون لك بألف شغلة و شغلة)

لكن نقول إن شاء الله (أول الحاضرين)

--------------------------------------------

ملحوظتين يا عيني عالعربي الفصيح :

1- حددوا المكان بسرعة عشان نروح و نتفاهم معاهم اذا كان عدد الجمعة كبير نسبياً (نحجز مكان عندهم)
2- في ليلة المباراة أي واحد قبل لا يتوجه للمقهى أو للجمعة >> يدش الموضوع و يقول أنا رايح التجمع


دمتم برعاية الله

[Prince of lazio]

ان شاء الله تتجمعون وتفرحون بالربع بس مانوصيكم نريد صور التجمع لازيالى

بالنسبة للاعضاء الليبين الازياليين الى ساكنين فى طرابلس ان كان تقدرو تتجمعو فى مقهى معين يكون حلو مافيش مشكلة فى انتظاركم ياليبيين لنجتمعو ونتعرفو أكثر

[J10]

شغل عدل
صار حفل تعارف
يالله شقلتوا يالكويتيين
تبون تتجمعون عندي
شاشة بلازما شغل عدل وكل القنوات متوفرة او نروح حق المقاهي الي تارسه الديره

[valanteeno_49]

انا من ليبيا و موافق على اى مكان تحددوه بس اعلنو عليه فى المنتدى

[Prince of lazio]

valanteeno_49
منور خوى وانت وين تسكن بالزيط مش نختارو مقهى كويس ..و فى انتظار البقية

[valanteeno_49]

انا منسكنش فى طرابلس نسكن فى الخمس انت حدد المكان فى طرابلس وقولى عليه بس وان توا انجى لكن وزينا مكان راقى يليق بمشجعين لاتسيو وبيناتنا تليفون

[امــيــر الــذوقــ]

في مقهى الأندلسية بالعزيزية (بس لازم نتأكد عندهم أيه آر تي أو لأ)

حدد فوين يصير هالمقهى تراني ماني تبع مقاهي
وياريت تشرح بالتفصيل

[أبو رباع]

امــيــر الــذوقــ

الله حيهم


وين تدل بالخبر + الظهران ؟

اذا كنت انت بالشارع اللي فيه الراشد و هو نفسه اللي يوديك على كورنيش الخبر لما تاخذه كله
وبتجيك على يدك اليمين لوحة تقول لك الثقبة

انت خذ اللفة و روح مع الثقبة و كلش سيده

إلين ما تشوف مقاهي كثيرة على يدك اليسار

شوف أول تدويرة و لما تديور بيكون الأندلسية أول مقهى على يدك اليمين

يااااااني فاشل بالتوصيف

عموماً لو إنك ما دليت باحاول آخذ وصف من أي أحد يكون دقيق جداً و لا يهمك يا أبو الذوق


عموماً

لأي

سنابسي + تاروتي + قطيفي + سيهاتي

اذا وده يجي آخذه وياي ليلة المباراة
و ما يرده شي >> يرسل لي بالخاص و إلا يحط هنا بالموضوع و آخذه وياي و نعشيه بعد و عصير و حركات

دمتم بخير

[امــيــر الــذوقــ]

الصراحة ما دليت (لاني ما اطب الخبر خير شر)

ودام فيها عصير انا وياك

لا امزح

شف احسن حل انك تمر عليَ وامشي وراك

طبعاً انا ساكن في تركية واذا تبي تمر وتتغدى معاي حياك الله

[أبو رباع]

المشاركة الأصلية كتبت بواسطة امــيــر الــذوقــ

الصراحة ما دليت (لاني ما اطب الخبر خير شر)

ودام فيها عصير انا وياك

لا امزح

شف احسن حل انك تمر عليَ وامشي وراك

طبعاً انا ساكن في تركية واذا تبي تمر وتتغدى معاي حياك الله

له له له

من التركية

يا أخي فرحتني

من التركية و ساكت كل هالفترة

أقول اترك عنك البربرة و المسخرة
أمرك و نطلع سوى و خل عن البربسة

-------------------------

لحد الآن المسجلين 2 اثنين فقط

أبو رباع
امــيــر الــذوقــ



وين الناس ؟

أنا خابر forza lazio شرقاوي و قطيفي بعد << شف الفضايح

غير اللي ما نخبرهم زي الحلو اللي فوق ذا

دمتم بخير