لو بيدك تختار لاعب من روما حتى يلعب في لاتسيو + جمهور روما و توتي
السلام عليكم و رحمة الله وبركاته طرى على بالي موضوع خفيف و بسيط قلت أجرب أشوف رايكم فيه
أعرف ان 90 % منكم يكره روما بشكل
لكن بصراحة و بدون مجاملة و مكابرة :
لو كان بيدك تختار لاعب من الرومانيستا الحاليين فمن يقع عليه اختيارك ليلعب مع لاتسيو ؟ و لماذا ؟
اليوم و بعد السحق اللي تلقاه الرومانيستا من النسور ، جاني فضول و قلت آخذ لي لفة و أشوف ردة فعل الرومانيستا بعد الهزيمة المذلة .
الا واحد من الشباب تكلم عن توتي و انه صار عالة على الفريق وماهو مثل اول طاحوا فيه باقي الأعضاء هجوم ، والكل صار يدافع عن توتي
معقولة للحين شايفين فيه اللاعب اللي يشيل الفريق ؟ والله اني أشوف توتي كلما لعب الديربي فرصة لاتسيو كبيرة بالفوز توتي غير الأمور المعنوية ما يقدر يساهم بأي شي تاريخه يشفع له ، لكن الحاضر عمره ما يرحم
بصراحة ،، كلما أشوف هذي حالة الرومانيستا أتخيل وش اللي بيصير لو حبيب الشعب (بالنسبة لهم) اعتزل عن اللعب ؟
أتصور ان مافي أحد يبقى يشجع الفريق أذكر اني قريت رد (اعتقد في الرياضة إلى الأبد) يقول ان جمهور روما يعتبر جمهور لاعب أكثر منه جمهور نادي يعني لولا توتي ما شفنا أحد يشجع روما
بالأخير عندي كلمة أحب أرد فيها على بعض الناس اللي كانت تردد هالجملة :
نحن العاصمة ، لازلنا روما ، فريق العاصمة الأول ... بلا بلا بلا
لو تنطبق السما عالأرض لاتسيو هو النادي الأول بالعاصمة انتوا الفرع ، واحنا الأصل تاريخ لاتسيو أوروبياً هو اللي يشرف العاصمة و كفى
رد: لو بيدك تختار لاعب من روما حتى يلعب في لاتسيو + جمهور روما و توتي
يا هلا بو أحمد منووور،، إبداع في الفيديو كليب،، وإبداع في الموضوع ماشاء الله عليك مميز دائما
منو أختار من روما،، منو أختار ! بس انت يالغالي لازم توضح،،، نختارها زوجة إلى لاعب في لازيو،، أو يجي يلعب في لازيو يعني نختار وحدة من دلوعاتهم ؟ أو نختار رجال؟؟؟
شخصيا أشوف واحد ماله ثاني هو الوحيد الي يستاهل تباعه حاليا مع روما،، وبالأحرى هو أكثر لاعب مأكول حقه في روما،،، بيزارو ،،، لاعب تمريراته كلها بالملي،،، وفوق هذا كله للحين ما استوى دلوع وأعتقد،،، ان وجوده فقط بسبب سباليتي
وبخصوص الكلام عن تويتيه ! دائما مع اي لقاء يخص روما يعرض او في الأبطال،، على طول يجيني تفكير ! لو تم نيستا إلي الآن في لازيو،،، هل كان تويتي بآخذ هذا الحيز من النفخة ؟ هل كان بيتم مثل هذا الوقت (ملكه فريجهم في روما؟ ) وأرجع أسأل نفسي ،،، لو نيستا لازال في لازيو،،، ممكن نحن نعامله مثل ما يعاملون هم تويتيه ! فالحمدلله على نعمة الفقر لووووول
الفرق الأساسي بين لازيو وبين روما،،، إن لازيو يبي يمتع الجمهور ويفوز ! بينما روما تبي تطلع الغرور وتفوز،،، روما كل تاريخها الحديث مرببوط بلاعب،،، لازيو عمره،، ما توقف على لاعب،،
علشان جذي نحن دائما،، وأبدا،، أسياد روما ... وأربع أو خمس سنوات في الأبطال ما تشفع لك اذا كنت مآكل سبعه من المان،، علشان تستوي الأفضل في روما
تسلم يالغالي
وأختم حديثي بإني أتمنى المجنون زامبريني كل يوم أكثر من اليوم الي قبله <<<< طيب هذا ويش جابه هع هع هع