مبروك الفوز اللي جاء بالرمق الاخيـر
مدرب سيينا الجديد لانشيني مدري وش اسمه كان واضح عليه ان بـ يطلع بـ نتيجة ايجابيه في مباراته الاولى معاهم
و لعب بشكل دفاعي مبالغ جداً فيـه عبر خطة المحاور و الاعتماد على المرتدات بسرعة ريجنالدو و فالياني
و هذا الشيء كان واضح لـ درجة اننا نشوف لاعبين سيينا كلهم في ملعبهم .. و بالمقابل اكثر اللاعبين استحواذاً على الكرة كانوا مدافعينا اللي يحاولون يبنون الهجمات لأن لاعبي الوسط مزدحمين مع لاعبي سيينا
و حتى لو لعبنا بالاساسيين اجزم ان ظروف المباراة ما راح تتغير .. و المباراة شبيه بـ مباراة بولونيا اللي تعادلنا فيها
بولونيا كان مبالغ بالدفاع و مسكر صح و هالشيء سووه سيينا و نجحوا فيـه
في مثل هالظروف الحل الوحيـد هي الكرات الثابتـه و للأسف الشديد فريقنا تحصل على ركنيات كثيرة و فاولات قريبه من منطقة الجزاء و ما شفنا ولا رفعه صح و ما تم استغلال اي كرة ثابتـه بالرغم اننا نمتلك 4 او 5 لاعبين طوال و ممتازين بالرأسيات كانا و دياكيته و سياني و كوزاك و ماوري
هيرنانيس مرة يرفع بـ رجله اليمين و مرة يرفع بـ رجله اليسار و كل رفعاته تأليف !! و ليديسما معروفه رفعاته و طريقتها ما يوصل لـ بعيد !!
لما تشوف اندية مثل كاتانيا مثل بولونيا مثل نابولي .. اندية عندها تكتيك و خطة بالكرات الثابتـه
لذلك نشوفهم يسجلون دايم من ركنيات او فاولات عرضيـه .. اما حنا فريقنا ارفعها اي كلام و السلام !!
لازم بيتكو ينتبه للشيء هذا لأن ممكن نواجه اندية كثيرة تلعب بـ نفس هالاسلوب الدفاعي و حزتها ما نقدر نفكك دفاعهم اللا بـ استغلال الكرات الثابتـه
افضل اللاعبين من وجهة نظري اولهم كاريزو بجداره و استحقاق شال 3 انفرادات صريحه غير ابداعه بـ ركلات الجزاء
بعده يجي خط الدفاع كانا اللي قدم مستوى مميز في قطع المرتدات و سياني اللي صلح خطأه بـ تشتيته الخاطئ و هو ما حوله احد و تحولت لـ هدف علينا صلح هالخطأ بـ رأسية مميزة .. و دياكيته بعد قدم مستوى جيد لكن مشكلته ما يعرف يحتفظ بالكرة و تمريراته للامام اغلبها غلط
بقية اللاعبين كانوا عاجزين عن اختراق دفاعات سيينا .. و هالمباراة كانت مباراة روكي بصراحة لأنه يعرف يزرق بين المدافعيـن .. فلوكاري يطلع كثير من الهجوم و ينزل للخلف و للاجنحه عشان يتحرر من الرقابة و كوزاك ما هو قادر يخترق دفاعات سيينا لحالـه
لذلك شفنا اكثر من كرة طويلة لعبها كانا بالشوط الاول للمهاجميـن .. لما يستلمونها يرجعونها للخلف لأن اما فلوكاري متراجع عشان يتحرر من الرقابة او نفس الوضع مع كوزاك
نقطة اخيرة بالنسبة لـ اونازي .. هاللاعب يمتلك مواصفات جيدة و واعدة لكن حالياً اعتقد انه بحاجة للإعارة
لأن مستواه بـ آخر 3 مشاركات ما كانت مشاركات ايجابيـه .. مندفع بشكل كبير جداً جداً و تمريراته متسرعه و خاطئه
اتمنى تتم إعارته عشان يلعب بشكل مستمر و يتطور اداءه شوي شوي و نستفيد منه بالمستقبل
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
