كــ 14 - 6 - 2010 ـــافيه المنديال >> ختام مباريات اليوم بتعادل ابطال العالم

[Ben Nasser]

لاحوول والله مسوين قلق هالإيطاليين

وين مايروحون لازم يسووون مشاكل

وبعدين مو لازم مباراه خلاص يعطون الثلاث نقاط لـ البارجواي من الحين

لأنهم فايزين فايزين

[بو سلمان]

هههههههههههههههههههههههههههه

اللحين في الاستديو التحليلي حق الجزيره يقولون ان الوضع رجع عادي و المباره بتنلعب بوقتها ان شاءالله ..

[بو سلمان]

الكاريز يسجل التقدم على ايطاليا 1- 0 في الدقيقه 39

وهدف يشعل المباره ..

[8 zauri]

أنا من رأيي الشخصي المتواضع
لازم يطلع بيبي ويدخل دي ناتالي ... دي ناتالي أسرع ويعرف يتوغل بدفاعات البراغواي
ويطلع جيلاردينهو اللي مايعرف يسجل الا على لاتسيو ويدخل ياكوينتا ...

ملاحظة :
يازين بيروتزي على الدكة

[8 zauri]

بوفون طلع ياعيال .... سلامات

[بو سلمان]

بدايه الشوط الثاني ..

نشوف شلون راح ترد ايطاليا و انا اتوقعها تعادل بصراحه ..

ننتظر و نشوف ..

[متيم لازيو]

والله مدري وش في بوفون طلع

المشكلة واضحه جداً

العلة بالأطراف اللي مايجيدون اللعب على الطرف ابد بيبي عاهه جديدة وياكوينتا مايصلح !!

وثلاثي الوسط كله مو عارف يسوي شيء !!

[بو سلمان]

تعادل لمنتخب ايطاليا من القطو الصغير اللي ما يتسمى

لو مسجل واحد ثاني عادي ..

[بو سلمان]

تعادلت ايطاليا و البارغواي .. نقطه افضل من ولا شي ..

و تصبحون على خير يا الربع .. ورانا دوام من الصبح و سهرونا الطليان

[lazioblood]

هاردلك للطليان
مع إني كنت مع البارغواي و دائما أتعاطف مع المنتخبات اللاتينية باستثناء البرازيل طبعا

شباب في لاعب بالبارغواي رقم ١٣ اسمه فيرا
والله أنه خارق محارب تراه بكل الملعب
يا ريت لاتسيو يفكر فيه
والله أنه دخل مخي من أول دقيقة لآخر دقيقة لم يقف ثانية..

قولولي شو رأيكم فيه؟