|[ رابطة المنتخب الالماني World Cup 2010 ]| الالمان يحرزون الميداليه البرونزيه

[mauro zarate 10]

الله يعطيك العافية يابوسلمان ..

بخصوص المايسترو .. أتمنى من كل قلبي يعود في الدور الثاني على الاقل ان تأهلنا ان شاء الله ..

[بو سلمان]

والله ان شاءالله اخوي عبدالله ..

بصراحه وسطنا فيه افضل مواهب اروبا بدون مبالغه لكن ماعندهم خبره .. اغلبهم شباب صغار ..

يحتاجون قائد في وسط الملعب ..

يمكن يرجع فرينجز و يمكن يكون كلوسى اساسي و يعطونه الكبتنيه ..

كل شي راح يبين الايام الجايه ..

[Stankovic]

يالربع .. شوفوا تروتشوفيسكي شراح يسوي بالمونديال .. صدقوني هاللاعب مو طبيعي والقهر أن عقده مع هامبورغ خلص ومايبي يجدد .

الألمان ماعليهم كلام بالمونديال .. لكن يعيبهم أن دفاعهم شوي ضعيف لكن هذا ماراح يأثر في ظل وجود القوة الهجوميه .

بالاك ليس كل شي .. هناك لاعبين قادرين على سد ثغرته .

بالتوفيق للناسيونال مانشافت

[Ben Nasser]

الله يعطيكم العافيه يا حمد ويا عبدالله ويا احمد

< عبدالله بعد

__________

وبخصوص الكابتنيه فأعتقد انه 90% لـ فيليب لام
__________

اما بخصوص بالاك فـ غيابه بيكون مؤثر

المانيا بتفقد كثير من قوتها بسبب غياب المايسترو و القيصر الصغير بالاك

وبالتوفيق للألمان

وبعدين بخصوص الرابطه مو مفروض تتثبت

[mauro zarate 10]

تراش اصيب اليوم في مباراة وديه
لازم يا لوف تستدعي فرنجز او هيتزي

[Lazio Lover]

ماشاء الله عليكم .. الرابطه مشعلله والله ..

مجهود كبير من الاخوان الغالي ابو سلمان وعبدالله واحمد ..

موفق بإذن الله ... لك مني أجمل تحية .

[بو سلمان]

المشاركة الأصلية كتبت بواسطة stankovic

يالربع .. شوفوا تروتشوفيسكي شراح يسوي بالمونديال .. صدقوني هاللاعب مو طبيعي والقهر أن عقده مع هامبورغ خلص ومايبي يجدد .

الألمان ماعليهم كلام بالمونديال .. لكن يعيبهم أن دفاعهم شوي ضعيف لكن هذا ماراح يأثر في ظل وجود القوة الهجوميه .

بالاك ليس كل شي .. هناك لاعبين قادرين على سد ثغرته .

بالتوفيق للناسيونال مانشافت

تروشفيسكي مالعيه كلام .. ويكفي انه خريج مدرسه بايرن ميونخ .. اتوقع راح تجيه فرصه في هذا المنديال .. سواء اساسي او حتى ورقه رابحه لـ الشوط الثاني ..

اما عن الدفاع انا معاك اخوي منيف 100 % ..

يمكن اكون انا الوحيد اللي متساكر من 2006 ما يعجبني !!

[بو سلمان]

بن ناصر ( عبدالله )

حياك الله في رابطتك .. و نبيك تشارك معنا بـ استمرار .. انت في مكانك و محلك طال عمرك ..

========================

ابو بدر يا هلا و مرحبا منور .. انت في مكانك و محلك طال عمرك ..

========================

عبدالله ---- على قوله المثل المصائب لا تأتي فرادا !!! و اقرب الظن ان فرينجز هو اللي راح يغطي مكانه و انسى الماضي يا يواخيم لوف .. !

[بو سلمان]

تراش أحدث ضحايا الإصابات في ألمانيا






بعد أن حرمت الإصابة في أربطة الكاحل قائد الفريق مايكل بالاك من المشاركة في المونديال، أصيب كريسيتيان تراش، لاعب خط وسط شتوتغارت خلال المباراة التجريبية التي خاضها منتخب ألمانيا أمام فريق نادي جنوب تيرول الإيطالي ..

لم يعرف حتى الاثنين طبيعة الإصابة التي لحق بتراش (22 عاما) والذي يعد أحد بدائل قائد المنتخب بالاك .. وايضا ً الاصابه نفسها حرمت سيمون رولفس (28 عاما)، قائد فريق باير ليفر كوزن وأحد أبرز لاعبي وسط المنتخب الألماني من المشاركة في المونديال بعد الإصابة التي لحقت به في غضروف الركبة اليمنى ..

يواخيم لوف، قرر خوض المنتخب المباراة التجريبية أمام فريق جنوب تيرول الصاعد لدوري الدرجة الثالثة الموسم المقبل وذلك خلال فترة الإعداد التي يقضيها المنتخب الألماني حاليا ومنذ الجمعة الماضية في إقليم ترينتينو ألتو أديجي "جنوب تيرول" الواقع شمالي إيطاليا ..

ملاحظة :

والله سيمون رولفس كنت متأمل فيه خير قبل اصابته .. كان احد ركائز ليفركوزن هذي السنه و ادائه متوازن باالدفاع و الهجوم .. انا اقول يا لوف خل عنك الشباب و استدعي لاعبين الخبره هاتزي و فرينجز !!!

[بو سلمان]

بالاك
ادلر حارس ليفركوزن
رولفس
تراش

عين ما صلت على النبي !!!

من اولها كلها اصابـــات في اصــــــــــــــابات !!

السوال اللي يطرح نفسه .. شنو راح تسوي يا لوف ؟؟؟؟؟؟