ألف مبروك الفـوز .. و اهم شي حصلنا على الثلاث نقـاط
هذا ردي في تقديم اخوي عيسى
اقتباس:
من واقع رؤيتنا لزيورخ في المباراة الماضية ،، ما هو مكمن الخطر في الفريق السويسري ؟ السويسريين يلعبون على المرتدات و الاطراف و هم يمتلكون السرعة اللازمة لـ تأديه هذا الدور بشكل جيـد و يلعبون بأسلوب دفاعي قوي .. شفناهم بالمباراة اللي طافت تقريباً 8 الى 9 لاعبين بالدفاع و هذا شكل صعوبة علينا حتى اني تابعت مباراتهم قدام بازل بالدوري السويسري و يتبعون نفس الاسلوب لكن بعد ما تقدم عليهم بازل حاولوا الهجوم و بازل استغل هجومهم و قام يلعب على المرتدات و توهقوا زيورخ لـ هذا السبب انا قلت في الاجابة الاولى اني اتمنى نلعب بـ 3 مهاجمين روكي و سيسيه و معاهم كوزاك التشكيلة المتوقعه جيـده و لكن اتمنى يكون فيها تغيير واحد و هو خروج رادو و دخول كوزاك مكانه ونلعب بـ طريقة 4-3-3 بـ حيث التشكيل يكون كالتالي ماركيتي لوليتش .. دياس .. دياكيتـه .. ستانكي هيرنانيس .. كانا .. ليديسما سيسيه .. كوزاك .. روكي مع الاسلوب الدفاعي لـ زيورخ و عدم تواجد صانع لعب مثل ماوري راح نعاني في صناعة اللعب و راح نشوف سيسيه و روكي يتراجعون للخلف عشان يبنون الهجمات لذلك افضل حل الاعتماد على الاطراف و قوة لوليتش خصوصاً لما يكون على الطرف و نستغل وجود هيرنانيس و ليديسما للتسديد من بعيد او صناعة اللعب و العرضيات ايضاً للمهاجمين الثلاث يعني بالحالة الهجومية تقريباً تكون التشكيلة 3-4-3 ماركيتي دياس .. كانا .. دياكيتـه لوليتش .. هيرنانيس .. ليديسما .. ستانكي سيسيه .. كوزاك .. روكي اتمنى ريجا يكون قاري المباراة عدل حتى لو ما دخل بالتشكيلة اللي اتمناها على الاقل يغيرها اذا دعت الحاجة بالشوط الثاني لأن ما اتوقع السويسريين راح يغيرون اسلوب لعبهم اللا اذا سجلنا هدف بوقت مبكر فـ هم بالتأكيد راح يهاجمون و ينفتح اللعب |
تحليلي و توقعي كان صحيح
زيورخ لعب بأسلوب دفاعي مثل مباراتنا الاولى معهم و مسكرين العمق تماماً
لذلك ما شفنا مساحات تماماً نقدر نلعب عليهـا
روكي ما بين الشوط الاول و نفس الحالة لـ كلوزه اللي فقط كانت له هجمة وحده يوم راوغ اثنين و بعدها طلعت ركنيـه
الحل كان بالاطراف لكن الاطراف عندنا ضعيفه بـ رادو و زاوري .. و لوليتش و سكولي ما يقدرون يخترقون دفاعاتهم
كان الحل الوحيد صناعة اللعب من ليديسما اللي يلعب كرات طويله ورا المدافعين لكن للأسف ما ضبطت
ريجا قرا المباراة عدل .. الحل الوحيد كان تعزيز الهجوم اكثر و اللعب على الاطراف
دخل سيسيه و بروكي و لعب 4-3-3 و لعب كانا قلب وسط و عطى الحرية لـ ليديسما و بروكي للتقدم
سيسيه فتح شارع على اليمين و كان دخوله ايجابي و صنع هدف جميل بالكعب لـ بروكي
كانا كان نجم المباراة سكر الوسط صح و عطى الحرية لـ ليديسما و بروكي للهجوم
وحتى زاوري اخذ ثقة بالتقدم لأنه يدري انه في 3 مدافعين وراه
النقطة الوحيده اللي بـ تكلم عنها ضياع الفرص !! سكولي و سيسيه !
سكولي 3 او 4 فرص محققه وحده من كانا وحده من سيسيه وحده من ليديسما وحده من روكي
ضيعها بشكل غريـب خاصة اللي هيئها له روكي !
سيسيه اكثر من كرة لعبها له روكي بشكل شبه انفراد لكن الخال يستعمل القوة في كل تسديداته
وكلها طلعت لو يركد و يلعبها بـ عقل يحطها جول بـ سهولـه
ضياع هالفرص تأثر علينـا كثيـر لازم ريجا ينبه اللاعبيـن على هالنقطـة
مو معقول حسب الاحصائيات اللي قالها المعلق اننا ثاني اكثر فريق في الدوري الاوروبي يهدد المرمى و ما سجلنا اللا 5 أهداف !
عموماً اخذنا الثلاث نقاط لكن لازم نحل المشاكل و الاخطاء اللي موجوده عندنا
لأن مباراة فاسلوي ما اتوقع بـ تكون سهله .. الرومان راح يستبسلون لأن عندهم فرصة كبيرة للتأهل