مبروك للجميـع
واخيراً جاء الفـوز
قلنا في ردود سابقـة
كولاروف و رادو و مغني و ديل نيرو و موسليرا
هم الاكثر ابداعاً بالمباراة
ستينداردو لازال ثابت المستوى وهذا الحلو فيـه
واللي ملاحظـة انه دايم يكون هو آخر مدافع بالفريـق
واعتقد هالشي يناسبـه و يساعـده ايضاً لأنه مو سريـع كثير لكنه قوي بالالتحامات
سيفيليا مطفوق كالعادة و تسبب في فاولات كثيرة الحمدلله ان جنوى ما استفاد منها
فيرماني بالشوط الاول ضايـع كلياً بالملعـب ولكن تقريباً من الدقيقة 20 وانضمام كولاروف له بالوسط تحسن شوي
لكن في الشوط الثاني تغير مستواه كثير صار يضغط على حامل الكرة حتى لو انه من جهة الركني
وله تدخلات كثيرة ناجحـه .. استمراره باللعـب واعطاءه الثقـة اكثر اعتقـد راح يخليه يرجع اكثر واكثر لـ لعبه المعروف عنـه
ليشتستاينر حاله من حال ستينداردو ثابـت المستـوى ومميـز
ما في اي انخفاض في مستواه وان شاء الله يواصل على هالمستوى
بس مسكين مكروف كرف ما في بديل لـه رغم ان سكالوني الظاهر بدأ يرجع وبالارديني ناوي يلعبه اكثر
روكي و زاراتـي
نبدأ بالكلام عن زاراتي اللي اليوم كان فوق الممتـاز
الانانيـه مو موجوده نهائياً من تجيـه الكرة اذا مافي فرصـة يراوغ يمرر على طول
وهذا هو المطلوب من نجمنـا الشـاب
لعبـة الفاول كانت حلوة حيل ومخادعة وغير متوقعـه بس حسافة ما جت بالجول
الفرصة الغريبـة كانت الرأسيـة في بدايـة المباراة مدري وشلون ضاعـت هاذي !
روكي قدم مستوى ممتـاز يوصل للنص يدافع ويستلم كرة
كان اكثر من مهاجـم لأنه شفناه يصنع لعـب بتمريرات فوق الممتازة
كرتين لـ زاراتي وكرة لـ مغني
وفي كرة سددها من زاويـة ضيقه و رجع استلمها قبل ان يمسكها سكاربي
وعرضها بشكل مخادع وحلو داخل منطقة الجزاء بس ما كان في احـد
وهذا هو الانتقاد الوحيد بالنسبـة لي حتى اني قلته بالنقل المباشـر
المساحـة بين روكي و زاراتي مساحـة كبيرة بينهـم
ما ادري هل هي تعليمات من بالارديني او هو تحرك من قبل اللاعبيـن
روكي تجيه كرة زاراتي يكون بعيد عنه
زاراتي تجيه كرة روكي يكون بعيد عنه
نفس اللعبة هاذي اللي عرضها روكي المفروض زاراتي يكون داخل منطقة الجزاء
لكن بعد ما عدت اللقطة زاراتي كان صوب الجناح !
الانتقاد الثاني والاخير لـ بالارديني رغم فوز الفريق وفي ظل الغيابات
في لاعبين كان واضح عليهم الارهاق مثل فيرماني و مغني
اضافة الى ان الهجوم اصبح بطيء وكان المفروض تنشيطه بدخول مهاجم مكان مهاجم
اما فوجيا مكان زاراتي او ماكينوا مكان روكي واستغلال حالة النقص والطرد لـ جنوى
يعني التبديل الثالث لم يتسعمله كلياً بالارديني !
عموماً اهم شي فزنا وان شاء الله بالا يتدارك هذه الاخطاء البسيطة
المباراة الجاية ضد ليفسكي وهي مباراة غير مهمـة
ياليـت بالارديني يجرب فيها اللاعبين اللي موجودين بلائحة دوري اوروبا وما يلعبون كثير مثل ماكينوا وسكالوني
وياليت يجرب بعض الشباب مثل سيفيري وكافاندا
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
