على راسي والله ياعمر .. وانت اصلا فوق مستوى اي اعتذار لاننا خابرين الي عندك يالغلا ..
واتفق مع ابو احمد .. اننا هنا اصلا ما اجتمعنا الا عشان لاتسيو نتناقش ونختلف على امور ونتفق على امور ثانيه لكن اختلافنا واتفقنا مايزيد او ينقص من ودنا واحترامنا لــ بعض ..
اذا واحد قال لديسما زين مو معناته انه ما ينتقده باالعكس شفنا اخوان كثيرين و منهم انا ننتقد لديسما اذا كان لعبه سيء و نفس الكلام لـ بروكي ولا فيرماني ولا غيره
والعكس صحيح .. يعني نشوف شباب ينتقدونه لكن في مباريات يمدحونه ..
الاهم هو عدم التعصب بـ رايك و هو خطىء على طول .. و الله يوفق الجميع
عموماً بردي الطويل العريض اللي طاف قعدت اكرر كذا شغله و اعيدها مرة و مرتيـن وباللغة العربيـة هذا يسمي التأكيد او التوكيـد
عشان ابيـن اني اتكلم في شغلات سلبـيـه ( اشوفها من وجهة نظري ) في ليديسمـا وكنت اتكلم عن محصلـة ( 3 مواسـم )
فـ نقاط سريعـه فقـط على الردود مع اني ( ذاكرها في ردي الاول ) لكن الظاهر لأنه طويل محد له خلق يقراه
ليديسمـا يمتلك رجل قويــــه ( لكنها طاااااااائشــه - مو ضعيفـه ) بالعامي اذا شات يطيـّر حمام
ليديسمـا عالـه على الفريـق من ناحيـة فقدانـه للكرة بسهولـــه ( عبر التسديدات الطااااائشــه او التمريرات اللي مثل وجهـه ) واذكر العام يوم بالارديني انفجر و صرح ضد زاراتي قال حنا نفقد الكرة بسهولـه و السبب زاراتي و قاعد تصير علينا هجمات مرتده و 8 هجمات مرتدة كانت بدايتها مراوغات زاراتي الزائدة
الحالة هاذي تنطبق على ليديسمـا بعـد لأنه لاعب يعطي او بالمعنى الاصح ( يهدي ) الخصم الكرة بسهوله
ليديسما لاعـب ( بطيء ) ( بطيء ) ( بطيء ) و البطء الحيـن يعتبـر من ( زمن الجاهليـه كرة القدم ) في لاعبيـن يصلح عليهم البطء و لايق عليهـم و لكن كـ محاور او مراكز في قلب الوسـط تتطلب انه يكون لاعب سريــع
\ \
بالنسبـة للغالي عاصـم
انت ما شاء الله اخبر مني بالكرة اللاتينيـه ما شاء الله عليـك و ممكن اكون انا تحاملت بـ زيادة على ليديسمـا و ممكن اكون ظلمته في بعض النقاط
ولكن مسألة التسديد ما هي داشـه مخي ترى ابـد ^_^
بالنسبـة لـ ليديسمـا كـ محور دفاعي و المفروض يقارن بين ماسكيرانو او البيـدا وما يتقارن في بالاك او ستاكوفتيش
في تعقيب على خبر ليديسما المثبت بالنسـور كان من قبل الغالي بو سلمان قال كل اللي ابيـه من ليديسما يقطع الكرة و يسلم و بس
يعني بالعربي يااااااااليتـــه يصيــر مثل البيـــدا و لا يحاول يسوي نفسـه مثل ستانكو
المطلوب من ليديسمـا اقطع الكرة و سلمها للمختصين بالادوار الهجوميـه و ما قصرت يا ليديسمـا لكن ليديسمـا ان قطع الكرة ( شاتها فنقر ) لـ روكي و اللا زاراتي و اللا ايام بانديف و الحقوها
وش الفائدة اللي استفدناها .. قطع الكرة و رجعها لهم !
الدور اللي فيه ليديسما سلّم و استلم بس هو مدري وشلون قايل !
مناشبني نشبـه على كل شي انا اوريك بعد الفطور بشبك بالمسن و اعلمك
( على فكرة ترى انا و عمر .. والله العظيم اتوقع و ربي العالم اننا اكثر اثنين لاتسياليه بالعالم يتهاوشون هههههههههههههههههههههههههههههه )
دايم بالمسن اذا سولفنا و فتحنا مواضيع اللي يشوف كلامنا يقول هذا نادي ابوهم و اللا بينهم دم و حالتهم حالـه هههههههههههههههههههه
حبيب ئلبي يا عمر
\ \
بالنسبـة لموضوع ليديسما انه بدّع بأول موسمه له و بعدها انحدر مستواه انحدار خطيـر الاجابـة على هالسؤال هي اجابـة لـ سؤال آخـر << وش رايكم وانا صاحي الصبح و اتفلسف
ليش كريباري كان المدافع رقم 1 في اول موسمين له بـ لاتسيـو و حالياً المدافع رقم 7 بالفريق ! ؟
السؤالين لهم نفس الاجابـة بالظبـط
\ \
بالاخيـر عشان اهج من هالنقاش و كل واحد يروح يصلح سيارتـه بذكر كلمـة قلتهـا في ردي السابق
( الفيصل و الحكم على ليديسمـا مواضيع النقل المباشـر )
واللي يلاحظ ردودي بالنقل المباشر يشوف اني مدحت ليديسما و ذميت ليديسما ومدحت روكي و ذميت روكي .. ومدحت بروكي و ذميت بروكي .. و مدحت زاراتي و ذميت زاراتي
انا ماني ضد اللاعب في شي .. لا هو اللي سارق من حلالي ولا هو اللي بيني و بينه شي
ولكن ( من وجهة نظر شخصيـه ) انا اشوف ان فريقنا اذا ليديسما واصل فيه وما شرينا لاعب افضل منـه الفريق ما راح يخطو لـ خطوات قدام و نتطور حالنا من حال الانديـة اللي تطورت و تعدتنا .. راح يغرز بـ مكانـه و يقعـد في محلـه
بالنسبـة لموضوع ليديسما انه بدّع بأول موسمه له و بعدها انحدر مستواه انحدار خطيـر الاجابـة على هالسؤال هي اجابـة لـ سؤال آخـر << وش رايكم وانا صاحي الصبح و اتفلسف
ليش كريباري كان المدافع رقم 1 في اول موسمين له بـ لاتسيـو و حالياً المدافع رقم 7 بالفريق ! ؟
السؤالين لهم نفس الاجابـة بالظبـط
اقتباس:
بس بشرط يجي واحد يسنعه يعني بالعربي أنا أتفق معاك في أن شوتاته طايشه !
وأنه بطيء ويفتي بالتمرير كل هالنقاط انا معاااااااااااااااك !
لكن المقصد هو رجله قوية أو لا ؟
هو رجله للتمرير لو مايتفسلف حلوه أو لا ؟
يعني إحنا نشوف ليديسما لو يتعدل ويطور خصائصه مثل التمرير والشوت !
والمزاج بعد يكون من أفضل المحاور في العالم مو بس في لاتسيو !
عمر شفت سؤالي فوق عن كريباري و عن ليديسمـا اجابتـه اللي باللون الاحمـر
التطور !
ليديسمـا بدال لا يتقدم و يتطور و ينضج اكثر قاعد نشوفه يتراجـع و يقل مستواه .. صناعته للعب مو مثل قبل .. رفعاته صايره غبيه بشكل لا يوصف .. و غيره و غيره و غيره كثير بالنسبة لموسمه الاول معنـا
ليديسما ما قاعد يتطور .. و في حالة قعدنا على لو و لو و لو و لو عمرنا ما راح نخلص !
في لاعبيـن يطورون مستواهم .. يطورون انفسهم لأجل مصلحـة الفريق .. ما يهتمون للعوامل الثانيـة .. ما يهتمون منو المدرب منو اللاعب اللي جنبي منو اللاعب اللي وراي .. يطور نفسه بـ نفسـه
والامثله كثيرة و اقربها اثنين في لاتسيـو .. شوف رادو كيف كان بأول الموسم ضعيـف و صعوه تنفخـه يطيـر و شوف كيف كان بـ موسمه الثاني معضــّل جسمـه صاير اعرض من قبل .. التطور البدني لـ رادو غير من مستواه كـ ظهير و لكن فاااااده كثيـر جداً جداً كـ قلب دفاع
المثال الثاني ديل نيرو .. سيميوني جناح هجومي بحت و لكن في الموسم الماضي لعب مكان كولاروف كـ جناح متأخر او كـ ظهير .. طور نفسـه و خصائصـه من مهاجم الى مدافع و بالمباريات اللي لعبها قدم مستويات حلوه بـ شهادة الاغلبيـه
و في امثله كثيرة جداً جداً لـ لاعبين آخرين اللي يحضرني منهم آلان سميث و جوتي و بيهرامي
فـ هذا هو المقصد بالنسبـة لي .. متى بيرجع لنا ليديسما الموسم الاول ؟؟ أو كـ سؤال اكثر دقـه الى متى بـ ننتظر رجعـه ليديسما الموسم الاول ؟؟ هاذي ثلاث مواسم مرت و ليديسما في تراجع كبيـــــــر ؟؟
السؤال الذهبي هو
هل اغير الفريق عشان ليديسما يتطور ؟ واللا اغير ليديسما عشان الفريق يتطور ؟
وهذا كله ما وراء مقصدي و مطالبتي الشديدة بـ ترحيل ليديسمـا
كان عندي ترى كلام طويل و ابي اهذر واجد كالعادة لكن حبيت اختصر و سي يو ليتـر
ليديسمـا بدال لا يتقدم و يتطور و ينضج اكثر قاعد نشوفه يتراجـع و يقل مستواه .. صناعته للعب مو مثل قبل .. رفعاته صايره غبيه بشكل لا يوصف .. و غيره و غيره و غيره كثير بالنسبة لموسمه الاول معنـا
بصراحة يا عواد حال الفريق ما يسمح لأى لاعب انه يتطور.. ليديسما مع احوال الفريق الضايعة ومشاكله مع لوتيتو مستحيل يتطور.. عندنا زاراتى هو كمان مستواه ضايع هل نغيره علشان الفريق.. احنا بنحكم على ليديسما لما تكون الأمور تمام مدرب وادارة ولعيبة ويكون هو الحلقة الأضعف.. فى الحالى دى نضحى بلديسما لأجل الفريق.. اما الأن فانان شايف حاله من حال تدهور الفريق فى السنين اخر موسمين للديليو روسى.. انا اتمنى بقاؤه الموسم القادم مع جلب بديل كفؤ الميركاتو الحالى او الميركاتو الشتوى..
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
.. وانت اصلا فوق مستوى اي اعتذار لاننا خابرين الي عندك يالغلا .. 
العرض العادي
