السلام عليكم
اليوم ضربنا الدوام جوتي علشان هالمباراة العبيطة :|
بصراحة اليوم الفريق اثبت ان عنده مهاجمين من أنصاف الكور تسجل !
وأثبت في نفس الوقت ان روسي وغبائه بيقتلون كل المواهب والطاقات بالفريق !
بصراحة وبعكس الكل اقول ان مودينغاي دخوله كان مجامله بكل معنى الكلمة !
دقاعيا بهرامي قوي في الوسط وفي نفس الوقت يقدر ينطلق إلى الهجوم ..
وهم بعد بهرامي لعب في مركز مودنغاي ... ليش ما لعب بزاوري يمين وبهرامي وسط يمين !
اليوم وعلى غير العادة .. ثلاثي الهجوم يلعب كراس حربه في نفس الوقت !
يعني بانديف ماهو ساقط خلف المهاجمين روكي وبيانكي .. وهذا الي خله روكي أوووووووووف مع سبق الأصرار والترصد .. روكي ما عمل ولا حاجة ابداااا !
اليوم قلبي الدفاع كانو دايخين بوجود مهاجم مثل كورادي الي اكل كريباري السلط !
بصراحة اول مره اشوف كريباري لا حول له ولا قوة ! بكل أمانه أخذه يمين وشمال و سحبه وقف على الكرة جدامه !
يعني بكل بساطة ... كريباري ضاع جدام كورادي ..
والسبب طبعا ان كريباري يلعب متوسط دفاع ايمن ! وهو مركز جديد على اللاعب الي يلعب من ثلاث مواسم كمتوسط دفاع ايسر، شي غريب !
وعلشان جدي خسرنا رادو، وخسرنا كريباري وتسبب هذا في الهدفين !
روسي يزعجني اذا كان يملك البدلاء ويقعد يخترع لي في التشكيلة !
موسيليرا جيدا جدا جدا جدا .. صحيح ضعيف في الإنفرادات ولكن هذي الإنفرادات ما تجي الأ بالخبرة ..
وسبب ان جاب العيد لنا في الشوط الثاني يرجع لجماهير بارما والسبب طبعا ان لسه صغير ولازم المدرب والكابتن وبذات الكابتن لازم يضبط هذي الأمور الي تدور في وسط المباراة ...
اللقاء جيد ..
ونسبيا في الدوري الإيطالي اربع اهداف في شوط هذي نسبه جميلة جدا ..
واضح ان المنظور الهجومي بدأ يلعب دوره في الفريق ..
لكن مشكلتنا كانت في الوسط وبالذات في مودنغاي وليدسيما الي كانو سبب من اسباب توقف الكرات وتأخر الهجمات المرتدة ..
مودنغاي ما يعرف يمرر صح !
وليدسيما يحب يطلع فيها مع العلم ان هذا المباراة تمريراته كانت مناسبه بنسبة ٩٠ ٪ تقريبا ...
يعطيكم العافيه وهاردلك عنيف ...