مشاركة: لو كنت مدربا للاتسيو بمن تطالب وكيف تشكيلتك..؟!!؟
ياشباب 30 مليون فائض عن ميزانية العام الماضي هذا وهو يسدد دفعات انتقال كاريزو اللي المفروض يسددها في سنتين ووانتهى من سداد الديون القديمة باستثناء اقساط الضرائب المتأخرة
حقوق النقل التلفزيوني وهذي السنة الثالثة والأخيرة حسب العقد اللي وقعه لوتيتو واللي يحصل فيها لاتسيو على 42 مليون في السنة والسنة الجاية حقوق نقل جديدة والمتوقع لاتسيو ياخذ اكثر من 42 مليون على الموسم الواحد حسب التوزيع الجديد اللي اقرته رابطة الاندية الايطالية
غير الرعاة والاستثمارات والجماهير بمعنى ان لوتيتو يقدر يشتري لاعبين ويرفع مرتبات فوق ماتتخيلون
بارزالي الكل يتفق انه كان حلم التعاقد معه ويشاركنا فيه جماهير فيورنتينا واليوفي لكن الطيور طارت بارزاقها
في الأسماء المتواجدة حاليا اشوف افضل 11 لاعب يملكهم لاتسيو وحسب الأهمية: 1- روكي 2- ليدسما 3- دي سلفستري 4- بيهرامي 5- بانديف 6- كاريزو 7- رادو 8-ماوري 9- دابو 10- سيفيليا 11- كريباري
واختياري على الطريقة الممتعة 4-4-2 ولا مانع من بيع اي لاعب بشرط التعاقد مع من هو افضل منه وبصراحة قلوب الدفاع عندنا دجة وحتى دابو مايعتمد عليه وأول الصفقات تكون قلبين دفاع ومحور زي الناس ولاتقولون وين كولاروف وستنداردو لأنهم سلاحف وتغطيتهم تعبانه وينكبون عند المرتدات