الحظ وتألق حارس المرمى يمنعان لاتسيو من الانتصار .. لاتسيو 1 زيورخ 1 [ التعليقات ]

[fadyrussia]

canaaaaaaaaaaa is so stupid player and just make stupid fouls like him even he can't pass the ball
mamma mia what a stupid player we got here
i think bresciano is so much better than him
cana need to learn how to play football

[Stankovic]

والله اذا هذا مستواهم وهذا طموحهم فاتمنى اننا نطلع من البطولة ابرك علشان نركز على الدوري

سيسيه انا ما ادري شايف نفسه على شنو ؟؟ اوكيه عندك مهارات وواثق من نفسك .. طيب وين مهارتك وثقتك ؟

اقسم بالله كأننا نلعب بعشر لاعبين

الجهه اليسرى مابت رادو كانت شووووااااااارع وتمسخر اخر مسخره وبغى يضيعنا بأكثر من كورة

دفاعنا يفششششششل من امه ... ثلاث مباريات لغاية الحين باليورو وعلينا 5 اهداف !!!!

مادري من وين العيييب !!

والله الوضع محير .. اذا يبون يتأهلون للدور الثاني لازم يفوزون بالمباريات الثلاث الجايه وهذا مستحيل يصير لاننا خابرين ربعنا شنو

لكن اذا مايبون يتأهلون للادوارالثانيه فخلهم يريحون بالهم ويطلعون من الدور الاول لكن بشرط وهو تعويض الاخفاق الاوروبي من خلال المنافسه على اللقب

ولا نادي فاشل مثل زيوريخ مانقدر نفوز عليه؟؟ صحيح الحظ ما حالفنا بالشوط الثاني لكن التركيز ضااايع والشوط الاول مافي الا هجمتين خطرتين واهم الهدف وفرصة سيسيه

انا ايست من هالفريق في هذي البطولة

لشبونه متصدر بتسع نقاط واحنا صار حالنا من حال فاسلوي وزيوريخ كلنا نقطتين

واحنا الي سببنا على نفسنا هذا الضغط وراح نتوهق بالمباريات الجايه


وسلملي على الي يبي ياخذ لقب هذي البطولة

[Ben Nasser]

تعادل بطعم الخساره هاردلك لـ الجميع

و ريا سوى اللي عليه بهالمباراه غير طريقة اللعب وبعض اللاعبين في الوقت المناسب

لكن في بعض اللاعبين خذلونا وخاصه سيسي+سكولي اللي ضيع اهداف سهله

و الامور تعقدت ومادري كيف بيتأهلون

والحمدلله على كل حال

[بو سلمان]

هاردلك على التعادل ..

الفريق عليه التركيز اكثر مب معقوله اللي يصير .. لا نقول حظ ولا غيره لازم لازم نركز ..

سبورتنج محلق خارج السرب و المنافسه موجوده بين الثلاثه البقيه و الامل لا زال موجود .. ان شاءالله نصمد حتى الميركاتو و ان شاءالله حزتها لتيتو يتحرك يجيب لنا بديل هرنانيس بالاضافه الى لاعب ارتكاز نشيط

لاتسيو - زيورخ - فاسلوي كلهم اللحين نقطتين فقط و الامل موجود ان شاءالله ..

بالتوفيق

[Ole]

سيد ريا بحسبة بسيطة

4-2-3-1

خمس مبارايات خسرنا 2 وتعادلنا 3 مبارايات (بدون فوز)

4-3-1-2

اربع مبارايات تعادلنا 1 وفزنا 3 مبارايات (بدون خساير)

حظ او طريقة تناسب اللاعبين المتوفرين او بطولة زايدة او مانفوز الا بحظور كلوزه او اي عامل ثاني هذا مو مهم طالما الحقايق واضحة وتقدر تتحكم باللي تقدر عليه (طريقة لعب الفريق)

اللي تفوز به العب به ويكفي نزيف نقاط سهلة

[فيرون 2000]

الوم الحظ فقط ..
وريّا بدا يتشجّع ويهاجم ومايلعب عالنقطة ..
اهم ماعلي يبقى ريّا كذا لاننا نملك لاعبين بمقدورهم تحقيق بطوله ..
وياليت خطة 4312 لانها الاقوى لنا وفيها تبان لمسات هيرنانيز اكثر ..

[The Game]

هاردلك بصراحـة خسرنا من التعادل نقطتين ثمينتين
لكن للأمانه حارسهم روعـه و شالهم كثيـر

بدايـة مع السلبيـات و خاصة بالشوط الاول

لوليتش مات تماماً بالشوط الاول و ما ظهر بسبب وجود التاتا قدامه اللي يطلع كثير للجناح و ما يضم للعمق
عشان يفتح المساحـة لـ انطلاقات البوسني خلفـه .. التاتا نهائياً ما يقدر يكون بديل لـ ماوري

اضافة الى الجهة اليسرى رادو هجومياً صفر و على غير العادة تمريراته القصيرة اللي يمتاز فيها اليوم كلها غلط
حتى اداءه للأسف كان ضعيـف نسبيـاً

و صراحة بوجود لوليتش و كونكو معنا لازم هالاثنين هم الاساسيين على طول لأنهم يشكلون جبهة هجومية ممتازة

خط الوسـط و تمركز اللاعبيـن عليه علامـة استفهام كبيـرة !!

كانا محور دفاعي دوره بالملعب يقفل على الوسـط و يعطي الاريحيـة للباكات و المحاور بالتقدم على راحتـهم
و مركزه يكون قدام المدافعيـن بالضبـط و هذا هو المركز اللي يلعب فيه من ايام مارسيليـا

بالمباراة اشوف كانا جنب هيرنانيس !! و ماتوزاليـم هو اللي قدام الدفاع
المفروض اللي يصيـر العكس لأن ماتو ممتاز هجومياً بـ عكس كانا اللي اسلوبـه دفاعي تماماً

و بهالطريقـة قتلنا 4 لاعبيـن ( ماتو و كانا و هيرنانيس و سيسيه ) لأن كانا ما عنده مهارات هجوميـة و هيرنانيس ما يقدر يلعب وياه بالوسـط ون تو او يفتح له او يراوغ و ماتو يبقى بالخلف لحالـه .. يعني عمق الوسط ما استفدنا منه ابـد بالشوط الاول .. و بما ان العمق اللي هم خلف المهاجم ما اشتغلوا صح فـ طبيعي جداً نشوف سيسيه ما يظهر

بالعربي الشوط الاول كان لاتسيو ضعيف جداً لا العمق مستفيدين منه و لا الاطراف
فـ ما شفنا ابد كور سنعـه قدام الجول .. و الهدف اللي سجلناه من ركلـة ركنيـه

الشوط الثاني ريجا عرف العلـه و لعب 4-3-3 و ضم هيرنانيس و التاتا للمحاور
و بـ انضمام التاتا للعمق فتـح مساحـة قدام لوليتش للاختراق و الانطلاق نحو الهجوم

وشفنا لوليتش بدع بالشوط الثاني

و صار العمق اقوى شوي و مع دخول روكي اللي يلعب بين قلبي الدفاع حرر سكولي و سيسيـه
و جات فرصة ممتازة للاثنين لكن للأسف اما تضيع او يبعدها حارس ببراعـة

فريقنا مشكلتـه ما فيه صانع لعـب مهمتـه صناعة اللعب للهجـوم
عندنا صانع لعب او منظم لعب اللي هو ماتوزاليم او بروكي او ليديسما اللي يقومون بدور مشابه لـ دور بيرلو تقريباً

اما صانع لعب فعلي فـ ما عندنا اللا ماوري فقـط لأن هيرنانيس يلعب تقريباً كـ مهاجم ثاني خلف رأس الحربـة
دوره اكثـر شي تهديد المرمى و التسديد و ما يصنـع لعـب بشكل كبيـر .. حتى بالديربي و رغم الفوز اداءه كـ صانع لعب ما شفناه

ماوري يوم دخل بالديربي كرتيـن عطاهم لـ سيسيه وحده شاتها الفرنسي و ضربت العارضة
والثانيـة ابعدها هاينزه الى ركنيـه قبل ما يشوتهـا سيسيـه

وجود ماوري يعطي قوة كبيرة للهجوم سواء كان كلوزه او سيسيه او روكي او غيرهم
و وجود ماوري ايضاً يعطي حريـة اكبـر لـ هيرنانيس

و للأسف حالياً ما عندنا لاعب يعوض ماوري و التاتا لاعب بدني تكتيكي اكثر من انه لاعب فني

و ما اعتقد لو تواجد كلوزه و ما كان مصاب راح يفرق اداءنا لأن كلوزه شفناه ايضاً بالديربي
ما صار اخطر اللا مع دخول ماوري و ماتوزاليم اللي هم صناع اللعـب الحقيقيين

بإختصار اتفق مع كلام اخوي عبدالرحمن .. خطة الاجنحـة ما تصلـح و لازم نرجع لـ خطة المحاور لـ حين عودة ماوري

التشكيلـة الانسـب بـ نظري اللي لازم الفريق يعتمد عليهـا على طول

ماركيتي

لوليتش .. دياس .. بيافا .. كونكو

كـانـا
ماتوزاليم ...... ليديسما
هيرنانيس

كلـوزه ... سيسيـه


بالحالـة الهجوميـة تكون الخطـة 3-4-3 تقريبـاً

ماركيتي

دياس ... كانا ... بيافا

لوليتش .. ماتوزاليم .. ليديسما .. كونكو

هيرنانيس .. كلوزه .. سيسيه


ريجا لازم ينتبـه للنقطـة هاذي في لاعبيـن ينجحـون في مراكز ثانيـة
المهاجم الحركي نسبة نجاحـه كبيرة كـ جناح هجومي مثل فوزينتش مثل فورلان مثل لافيزي مثل ايتو مثل سيسيه

لكن المحور الدفاعي الدفاعي بحت يتم اعطاءه ادوار هجوميـة و المحور الهجومي له ادوار دفاعيـه
فـ هاذي ما راح تفيـد الفريق للأسف بل راح تضر الفريـق

عموماً لازال الفريق قادر على التأهل و لازم يلعب على الـ 9 نقاط كاملة حتى يضمن التأهل دون مشاكل و دون الدخول في دوامة معقـده من الحسابات و الاهداف و مدري وش

و ان شاء الله الفريق يبدع قدام بولونيـا و يعوض هالتعادل بـ فوز يوم الاحد بالكالتشيـو

[lazio2010]

هاردلكم ..

[kindman]

يعطيكم العافية يا إخوان

فريقنا كان رائع جداً جداً ويتحسن مباراة بعد مباراة وتزداد ثقة اللاعبين ولكن هناك نواقص بالفريق

الأولى : الفريق يفقد التركيز لترة بسيطو وأنا شايف أنو مباراة عن مباراة تخف مدتها

ومشكلة فقدان التركيز بسبب عشوائية اللاعبين وتغيير مراكزهم لا إرادياً وينكشف التسلل

وبالتالي يأتي هدف أو إثنين

أما الثانية : فهي التسجيل وسبق وقلتها فريقنا بحاجة لمهاجم ثابت يشغل المدافعين ويحرز الأهداف ويفتح لعب لزملائه لذلك لازم يلعب كلوزة أساسي وبديله كوزاك أما سيسيه وروكي يلعبوا بمباريات اللعب المفتوح أو مهاجم ثاني أو مع الفرق الكبيرة اللي تضغط علينا.

أتفق مع عواد با لتشكيل لأنو لوليتش وكونكو لديهم نزعة هجومية إفتقدناها من زمان زمان

وكانا يقدر يغطي بالدفاع ويعطي حرية لليدزما وماتوزاليم

وليدزما لازم يغير مركزه علشان يقدر يلعب كمان مع المنتخل الإيطالي في ظل تواجد بيرلو ودي روسي

أما كل كورة لازم تمر عن طريقة هذي تعطل اللعب وتلغي وجود الآخرين

وشوي شوي راح يتبلور تكتيك وتشكيلة عند المدرب وساعتهم راح يكون فريق لا يقهر