اقتباس:
المشاركة الأصلية كتبت بواسطة mimo1  السلام عليكم ورحمة الله وبركاته اخي انا اعتقد ان زاراتي مستواه انخفض قبل ما يأتي ريا للفريق وريا ليس هو المسؤل الاول وسبب انخفاض مستواه هو ان طريقة لعبه اصبحت مفهومة من اغلب المدافعين حتى انا فهمتها ( يستلم الكرة على الطرف ثم يحاول يدخل منطقة الجزاء والتسديد )  ارجو من الاخوة التعليق شـكــ وبارك الله فيك ـــرا لك ... لك مني أجمل تحية . |
اقتباس:
المشاركة الأصلية كتبت بواسطة laz!o زاراتي عشان يرجع لـ اللاعب اللي عرفناه ، لازم ينطلق من العمق أو يلعب داخل الصندوق قريب من فلوكاري
لأن الكل صار يعرف أسلوبه لما يروح عالأطراف |
خير الكلام ما قل و دل
لكن اسمح لي اتكلم بـ نقطة اخرى و اللي اشوفك فيها اخوي ما توفقت فيها
زاراتي مع روسي واجه انتقادات من المدرب و مع بالارديني واجه انتقادات مع المدرب ومع ريجا واجه انتقادات مع المدرب
النقطة اللي بتكلم فيها الحديث عن زاراتي ايام روسي !! و عن ثنائياته مع بانديـف
انا واحد من الناس و يمكن الوحيـد ! اللي كان ينتقد زاراتي بشده في النصف الثاني من الموسم
و ركز على النصف الثاني من الموسـم !
لأن السبب مثل ما ذكر اخوي ميمو و اخوي خالد زاراتي اصبح مكشوووووووووف
طريقـة لعبـه واضحـه مثل ما ذكرها اخوي ميمو بالتفصيـل
انت تقول ان توظيف ريجا و بالارديني خاطئ لأنهم يطلبون من زاراتي يميل على الطرف
اسمح لي اقولك غلطان ! محد طلب من زاراتي يميل على الطرف
زاراتي هذا هو اسلوبه بعد ما اصبح مكشووف لـ دفاعات الكالتشيـو
تقولي ايام روسي كان غيـر
اقولك ( بالنصف الثاني ) و هي الفترة اللي انتقدت زاراتي فيها كثيـر
زاراتي كم سجل هدف في 18 مباراة ؟؟ خمس اهداف فقط !
كم هدف سجلـه بـ نفس طريقة و اسلوب لعبه الموسم الماضي و مباراة السامب
هدفـه على رومـا من الجناح و سدد من بعيـد
هدفه على بولونيا من الجناح مع ون تو مع روكي و دخل منطقة الجزاء و سجل
وله هدف في نفس المباراة من ركلة ثابتـه
قدام السامب بالنهائي .. شلون سجل
نفس هدفه على رومـا و نفس اسلوبه الموسم الماضي
يا اخي من الجولـة الـ 17 قدام باليرمو ايام روسي الى الجولـه رقم 30 قدام سيينا قبل مباراة الديربي 4-2
12 جوله كم سجل زاراتي فيهم ؟؟ هدفين بس !
كلهم قدام بولونيا واحد فاول و واحد ون تو مع روكي
كم صنع هدف ؟؟ صنع هدفين بس
وايضاً كلهم في مباراة وحده قدام ريجينا يوم فزنا بـ هاتريك لـ بانديف
يوم تشوف الاحصائيات و الارقام ( بالنصف الاول للموسم ) لـ زاراتي
رهيــــــــــــــــــــب
اول خمس جولات مسجل 6 اهـداف !! انطلاقة مو طبيعيـه
و من الجولة السادسـه الى الجولة 11 صحيح سجل هدف واحد بس ساهم بـ صناعة 3 اهداف
معدل فوق الطيب
لكن بعدها انكشف اسلوب زاراتي للأسف
فـ اسمح لي اقولك ان لا بانديف و لا روسي سووا الشيء الكثير لـ زاراتي
لأن زاراتي اول ماجانا محد يعرفـه .. اساساً اللاتسياليـه اتمصخر على لوتيتـو و على زاراتي لأنه جاي من دوري عربي و كانت في صور مركبـه قاصين وجه لوتيتـو ومركبينه على وجه ابن لادن
وقاصين صورة شايب عراقي على ما اظن و بجانبه جنود امريكان و حاطين وجه زاراتي
زاراتي ما كان معروف فـ جاء الى الكالتشيو و اسلوب لعبه نجـح و خصوصاً ان خطة المحاور تعتمد اكثر على المرتدات ايام روسي
فـ هالشي ساعد زاراتي في بداياتـه معنـا
لكن بعدها كل مدرب صار يخلي مدافعين اثنين على زاراتي عشان ما يعطونه مساحات للعب
فـ لجأ الى الجناح يكسر للعمق و يشوت من بعيـد
غير طبعاً الانانية الواضحه اللي ظهرت عليـه في النصف الثاني مع المدرب ديليو روسي
\
\
انا بداية هالموسم تضايقت جداً بعد تصريح زاراتي يوم قال هذا انا و هذا اسلوب لعبي و لن اغيره
دريت ان الولـد ما راح ينضج كروياً اللا بعد فترة طويــــله و المتضرر لاتسيـو
لكن بعدها بـ فترة فرحت كثير بشكل ما يتخيله احد بعد تصريحه يوم قال عرفت اين اخطأت و عرفت اخطائي
قلت بيني و بين نفسي خلاص زاراتي بـ يترك الانانيـه و سوالف اللعب على الجناح و الاطراف
لكني تفاجأت و انصدمت و تضايقت حيييييييييييييييييييييييييل يوم شفته قدام السامب
!!
\
\
انا ولله ما يهمني الاسـم منو او شنو ماضيـه و شنو موهبتـه خصوصاً خصوصاً في المسائل المتعلقـه بالمهاجميـن
لأن المهاجم له وظيف وحده فقـط وهي التسجيـــــــل و هــز الشبـــــــــــــاك فقــــــــط
الوظيفه الثانويـه هي صناعة الاهداف لزميله المهاجم الآخر واذا ما سواها و اكتفى في وظيفته الاساسيه ما يقصـر
ان شاء الله يرجع ماكينوا بس يسجل هذا اللي ابيـه و هذا المطلوب من المهاجم
سجلي اهداف و نام طول المباراة ما تشوف شـر
\
\
عموماً الحكم على زاراتي بدري عليـه ممكن بعد 10 جولات نشوف هل زاراتي تغير ام لا
لكن انا حبيت اتكلم عن موضوع مسألة المدربين اللي اشوفها مع احترامي لـ جميع وجهات النظر خاطئـة .. و اللي يحب يتأكد يراجع النصف الثاني لنا في آخر موسم ديليو روسي
و قواكم الله
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض العادي
