بعد كابوس اليوم الاخير في سوق الانتقالات اللي بالمناسبة زالت آثاره واحباطاته بشكل اسرع من المعتاد واعتقد السبب يرجع بالتعود على صاحبنا اللي ابتلشنا فيه وله نصيب بالموضوع جال في خاطري اكثر من سؤال
كيف بيتعامل بيتكوفتش مع مدافعين ضعيفين ومع هجوم ناقص العدد على الاقل حتى فترة الانتقالات الشتوية (فيه 7 مليون على الاقل نطلبها من لوتيتو بالسوق الشتوية من بيعة كوزاك غير باقي المكاسب من المشاركة بالدوري الاوربي)
واهم سؤال سألت نفسي وش اسوأ سيناريو ممكن يمر فيه لاتسيو اذا مالقى بيتكوفتش حل لمشكلة انخفاض مستوى كبار السن دياز وبيافا وكلوزه او لم يجد البديل المناسب
هل يمكن ننافس على تفادي الهبوط؟؟
لا لا فريقنا فيه هيرنانيز وبيليا وكاندريفا ولولتش وغونزاليز واونازي
لاعبين دوليين في اقوى المنتخبات العالمية
ماتوصل للمنافسة على تفادي الهبوط
لكن مافيهم لاعب مدافع او مهاجم!!!
اللهم سانا اللي جايبينه وسط ورجعه المدرب لعله يحل مشاكل الدفاع وكلوزه اللي حتى اذا استرجع مستواه بيكون له موعد مع اصاباته الموسمية ... ابرز لاعبي لاتسيو في خط الوسط وحراسة المرمى ... اما الدفاع والهجوم فيعتبر ضعيف
باقي اللاعبين محليين من كبار سن او شباب بدون خبرة او لاعبين حاجزين مقاعدهم في غرف العلاج وهذولا ماينشد بهم الظهر
طيب فيه سبب ثاني يخليني اتخوف من الهبوط غير ضعف الدفاع والهجوم؟؟
ايه فيه سبب وان كان غير منطقي ولا عقلاني الا انه مرتبط بالمعاناة في الدوري
السبب يا اخوان اللي خلاني افتح موضوع علشانه هو .....
في عهد لوتيتو كل مايفتتح لاتسيو موسمه بمباراة كاس السوبر تكون نتائجه في الدوري الاسوأ ويضطر لتغيير مدربه ويحاول يتفادى الهبوط
في اول مباراة سوبر مع لوتيتو خسر لاتسيو من الميلان في السوبر وكان مشارك اوربيا وطرد كاسو وعين بابادبلو وتفادى الهبوط
ثاني مباراة سوبر فاز لاتسيو على الانتر وكان مشارك اوربيا وطرد بالارديني وعين ريا لتفادي الهبوط
وهذي السنة ياحبايب لعب لاتسيو لوتيتو ثالث مباراة سوبر واخاف يتكرر السيناريو من جديد
الاسباب المنطقية
اول سوبر كان فريق تجميع صيني بسبب الظروف المالية اللي عاشها لاتسيو في الصيف
ثاني سوبر كان فيه مشاكل لوتيتو مع اعمدة الفريق وتجميد اللاعبين وابعادهم عن الفريق
ثالث سوبر لو حصل اخفاق كبير في الدوري فالسبب الفني يرجع لفقدان التوازن في الفريق
قوة في خط الوسط وضعف خطي الدفاع والهجوم
اللي يخليني مااشطح كثير في التشاؤم هو لوتيتو
لا لاتصدقون ... عارف انه البلا
اللي يخليني مااشطح كثير في التشاؤم هو بيتكوفتش
اول وثاني موسم سوبر كان المدرب جديد وواضح كان الاختيار سيئ
بيتكوفتش مجربينه الموسم الماضي ومحقق نتايج مرضية في ذهاب الدوري والبطولة الاوربية والكاس
كل هذي خاطرة
اعرف اني طولت عليكم واشكر اللي صبر علي وكمل الموضوع واتمنى ربطي للاحداث مايكون سليم ونستمتع بالموسم مستوى ونتايج ولكم مني اطيب سلام
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض الشجري
