نسورنا تهدينا الفوز وتنهي موسمها خامسا .. لاتسيو 4 - ليتشي 2 [التعليقات هنا]

only lazio · 05-23-2011, 07:36 AM

اقتباس:

المشاركة الأصلية كتبت بواسطة جوسيبي سينيوري

و الله فيه ردود تخليك تشك انهم يشجعون لاتسيو

الاخ اللي يقول بلا تشامبينز بلا بطيخ

بــ صراحة أنــا برشلوني متعصب ..

حبيبي " باي بـاي " تشـامبيونز هذي أنــا ودعتها من لقاء أودينيزي وقلت هالشيء في التعليقــات المبــاشرة بعد اللقاء وانت بنفــسك رديت علي .!! .. فلا نقعد نستهبل على بعض ..

ثــاني شيء الحرقة اللي فيك هذي أنــا جتني من بعد لقــاء اليوفي خصوصـا وتــأكدت في لقاء الآودي وطلعت من قلبي .. ومن بعد هاللقــاء جهزت نفسي لليوربــا ليج وأغلب ردودي هنـا كــانت تؤكد هالشيء حتى بعد فوزنــا على جنوى .. لآنه فريقي الوحيــد واعرفه عدل .. وأبد ما أعيش على التفاهات والأحلام الكاتالونية .!!

أنــا أمدح الفريق إذا كــان يستحــق هالشيء وانتقده إذا كـان يستحق هالشيء .. إمــا إذا بقعد حياتي كلهـا مجــاملة فوق مجــاملة وما اهيء نفسي للخســارة والزعل .. أروح أتفرج أفلام هندية أفضل ترى مــافيها حــزن..!!

/ / /

أنــا أشوف اليوربــا ليج للاتسيو حــاليا أفــضل بمراحل من التشــامبيونز .. الخســارة الوحيدة اللي راح نخسرها من عدم وصولنــا للتشــامبيونز الـ $ فقط .!!! .. إيش أقصى طموحنــا في الأبطـال " دور الثمــانية " ؟؟ .. وراح نقابل فرق ماترحم أبد ومع طريقة ريجـا العقيمة ممكن نطلع بتــاريخية ..

أمــا في اليوربــا ليج .. قادرين نوصل للنصف النهـائي ولمــا لا البطولة .!! .. الفيولا بدأ مسيرته الأوربية النــاجحة تدريجيــا .. في البداية وصل نصف نهائي اليوربــا ليج .. بعد كذا استوعب وش يعني أوربــا وتصدر مجموعته في التشــامبيونز وطلع من الوصيف بطريقة مخزية .!!

الكل أمس شــاف كيف الجمــاهير في الملعب كانت مبسوطة على الأداء. الهدف الرئيسي كان الفوز فقط إذا حصلت معجزة من غيرنـا و تــأهلنــا للأبطـال كان بهـا وإذا ماحصل شيء أهم شيء فوزنــا واستحقينــا الوصول لأوربــا !! .. غير كذا بالــرغم من فوز الكلاب علينــا ذهاب وإيــاب انهينـا الموسم فوقهم .!! .. وهالشيء يحسب للاتسيو .. وما في شيء يزعلني دام أودينيزي هو اللي تــأهل مو رومـا .!!
إحسـاسي الكبيــر بــ أن أودينيزي لن يتعدي التصفيــات المؤهلة .. وما راح يتــأهل للتشــامبيونز .!!

عمومــا مرة ثـــانية ألف مبرووك الـ 3 نقاط .. وعودة مشرقة للاتسيو في أوربـــا ..

Lazio .. وعلى العهــد بااقون ..!