ما ادري وش اقول او من ويـن ابـدأ
لاتسيـو بدء المباراة صـح يوم كان يلعب بطريقة 4\3\3 مدري 3\4\3
ولكن بعد ما سجل هدف رجع يدافع بشكل عقيييييييم
وكانت الخطة كأنها 5\2\3 واحيان 5\4\1 مع تواجد روكي و زاراتي كـ اجنحه بالوسـط
\
\
تعليقي على ليديسمـا .. هي نقطتيـن
النقطة الاولى الحمدلله ان الاغلبيـه عرفت مستوى ليديسما الحقيقي !
فريقنا حالياً يمتلك لاعب افضل من ليديسما وقصدي طبعاً بارونيـو
ممكن ليديسما يكون مفيد لكن مستحيييييييل يكون مفيد في قيادة الوسـط
النقطة الثانيـة اللي عن ليديسمـا
شنو سبب تحسن مستوى فريقنـا بعد دخول ماتوزاليم رغم ان فريقنا كان منقوص بعد طرد زاراتي ؟
السبب واضـح وضوح الشمـس .. ماتوزاليـم ما تطلع الكورة من رجلـه اللا لـ لاعـب يستقبلهـا على الراحـه
الكل شاف كيف كان لاتسيو مسيطر آخر ربـع ساعـه
ماتوزاليم يمرردها لـ رادو .. و رادو يمررهـا لـ فلوكاري و فلوكاري يمررهـا لـ كولاروف و كولاروف يرجعهـا لـ ماتوزاليـم .. و ماتوزاليم يلعبهـا لـ ليديسما .. وليديسمـا يلعبهـا لـ بروكـي .. و بروكـي يرجعهـا لـ ليديسمـا
وليديسما بكل بروده من جهـة بروكي على الجناح الايمـن يشوت شوتـه غريبــه ؟؟
اذا كانت شوتـه فـ من سابع المستحيلات انهـا تدخـل لأنها راح تضرب بالمدافعيْن اللي قدام ليديسمـا
واذا كانت رفعـه او عرضيـه ؟ فـ انا استحي اسميهـا رفعـه !
مدري يمكن يشتـت !!
الهجمـه اللي كتبتهـا فـوق احسبوا عدد التمريرات فيهـا .. 7 تمريرات صحيحـه والنهاية كانت لعبه غبيه من ليديسما !
سامبدوريا مستبسل دفـاع وما يبون يضغطون على لاعبيننا عشان ما يفتحون ثغرات بينهـم
9 لاعبين يدافعون و كاسانو هو الوحيد بالهجـوم
كمل الهجمـه يا اخي ومرر لـ ماتوزاليم و كولاروف و بروكي لين تلقى ثغرة اما بالعمق او عن طريق لعبه عرضيه نسجل منها
\
\
موسليرا و رادو و ماتوزاليم و روكي و فلوكاري
وبالتأكيـد الملك ماوريتـو زاراتي
يستحقون الاشادة على لعبهم و روحهم الكبيرة
والاداء اللي قدموه ممتـاز لكن للأسف في لعيبه معاهم ما تساعد نهائيـاً
ستينداردو كان يعني ما هو ذاك الزود .. ما هو مستواه المعهود
كولاروف الف علامـه استفهام عليـه .. المباريات الاخيرة كلهـا كان ضااااااااااايـــع
بقية الفريق ماله داعي نعلق عليهـم
\
\
ريجـا للأسـف اثبـت انه افشـل من بالاردينـي !! تبديلات غريبـه !
التبديل الوحيد اللي صح دخول ماتوزاليـم
ماكينـوا ودي اعرف حسنه وحيده سواها بالمباراة ؟
الاصرار على ماوري و ترك لاعبيـن وسط مثل هيتزي و بارونيـو ؟؟
فريقنا اصبـح بـ سهولـه يستقبل الاهـداف
مع بالاردينـي بالموت يسجلون علينـا
اتفق مع اخوي ناصـر اعتقـد ان الوقـت الحالي ما يسمح لـ مغامرة جديدة من ريجـا
نرجع بالارديني افضـل خصوصاً ان هو من قام بالميركاتـو الشتوي وهو يبي هاللعيبـه
وما لعب معهم اللا مباراة وحده واداء الفريق ما كان كارثي رغم اننا خسرنا بهدف وحيد من كاتانيا
\
\
عندنا 11 مباراة قدام كل من
باري
كالياري
سيينا
ميلان
نابولي
بولونيا
روما
جنوى
الانتر
ليفورنو
اودونيزي
لو قلنا اننا فزنا على باري و كالياري و سيينا و بولونيا و ليفورنو
3 نقاط × 5 مباريات راح يعطينـا 15 نقطـه
15 نقطه مع نقاطنا الـ 26 يعطونا 41 نقطـه
وحزتها نقدر نقول اننا وصلنـا لـ بر الامـان
هالـ خمس مباريات مع هالـ خمس انديـه لازم لازم لازم لازم لاااااااازم ناخذ النقاط الكاملـه منهـم
حتى لو خسرنا في باقي المباريات
واللا راح ندخل في دوامـه عويصـه الله يستـر منهـا
أنت غير مسجل في مـنـتـدى لاتـسـيـو لـلـعـرب . للتسجيل الرجاء إضغط هنـا 
العرض الشجري
