ريجـا في اول اختبار له يعيد الابتسامـة لـ لاتسيـو

[أبو رباع]

السلام عليكم



مبروك يالربع عالفوز

ما أقدر أتكلم عن المباراة لأن الدريم بوكس مرقد في الورشة (تيونر)

و اللي زايد الطين بلة إني واصل من السفر اليوم و ما أمدانا نشوف حل ,


على كلٍ أنا انبسطت كثير لما شفت اسم ريا مرتبط فينا و زاد انبساطي بالفوز اليوم ,

حاسس إن هالآدمي يبي يطلعنا من مراكز الخنبقة هذي , و رسمه التكتيكي مناسب جداً للعيبتنا المتوفرين حالياً ,
و الشيبة هذا عارف اشلون يهاجم بالأرجنتينيين


ماهي إلا بداية لعودة زاراتي الهداف , و أتمنى أن تتواصل الانتصارات على باليرمو أولاً و التفكير بعدها على السامبا

اذا فزنا على باليرمو خلاص هم و انزاح (مؤخرة الترتيب) - مو بس انزياح مؤقت لا , نبدأ نحس إن الفريق فعلاً قادر على الفوز على الأقل , يعني نتوقع إنه يفوز في بعض المباريات المتبقية , عكس بالارديني اللي ما كنا لا نتوقع و لا نحس و لا عندنا أمل أصلاً إنه يفوز لو على منو ,

و اذا فزنا عقبها على السامبا يبدأ التفكير في اليوروبا ليج و إن شاء الله نحصلها يا رب


دمتم بخير