خسر لاتسيو من اليوفى لكن فاز بمهاجم وااعد..تعليقاتكم

[Prince of lazio]

خسر لاتسيو مباراته الاخيرة فى الكالشيو أما اليوفى بهدفين لصفر وسجل هدفى اليوفى المهاجم ياكوينتا وفى المقابل وعلى الرغم من عدم تسجيله الا ان المهاجم التشيكى الواعد كوزاك اثبت انه مهاجم له مستقبل

[lazio2010]

انا ما بقول هاردلكم لكن حظ اوفر لان الخسارة كانت متوقعه ..

نجم المباراة بلا ادنى منازع هو كوزاك اللي قدم مباراة ممتازة والان اتمنى ان يكون

مؤشر جيد لكي حصل ع لى فرصة .. والمهاجم الثاني مندنيشو لا يقل عنه لكن يحتاجون

الى الوقت انا اتمنى الموسم المقبل اعارة هالمهاجمين لكن بشرط ان يلعبوا بشكل مستمر ..

موسم فيه تخبطات كثيرة والاهم هو الخروج بلقب الكاس ..

اتمنى ان يكون الفريق عند المستوى اولا في الميركاتو وثانيا في الموسم المقبل ..

عالعموم كل سنة والكل طيب ووالكل بالف خير ..

[STEFANO]

بالفعل كسبنا كوزاك مع كثرة المشاركات سيكون له شأن كبير هالتشيكي !!

الصراحه كان يستاهل هدف على الاقل . .
رغم انه كان يستطيع التسجيل لولا استهزاءه ولعبه كورة من فوق بوفون (لووب)!!

هاردلك . . للاسف هذي المباراة ماراح تأثر على بقاء روسي من رحيله !!

مشكور أخوي

[امــيــر الــذوقــ]

نتمنى تكون آخر الاحزان مع ديليو زفت طبعا

[The Game]

هارد لك الخسارة .. متوقعـه بصراحـة
وما تقدم ولا تأخر بـ الترتيب او في اي شي

بالعكس ممكن هالخسارة تكون سبب في رحيل روسي

\
/
\

المبـاراة كـانـت تشيكيــه خااااااالصــه

نجـوم المبـاراة دون منـازع
نيـدفيـد + روزينـال + كـوزاك


روزينـال اليـوم شاف ان المباراة تقريباً كـ حصـة تدريبيـة واخـذ راحتـه بالتقـدم

روزينـال اليـوم كـ أنـه روزينـال باريس سان جيرمـان اذا لعـب كـ ليبرو خـط وسـط ( مكان ليديسما )
اليوم تقـدم كثيـر .. ولكـن تقـدم صـح وبأوقـات صـح

حتى انـه لعـب كورة لـ بروكـي وكان ممكن تدخـل لولا تدخل تشيليني طقتـه الكورة وطلعت ركنـي

روزينـال اليـوم سـوى كل شـي .. دفـاع دافـع .. هجـوم هدد مرمى اليوفـي .. صنـاعة لعـب ما قصـر فيهـا

اتمنى الاستفادة من روزينـال بالمركـز هذا عشان ياخذ راحتـه بالتحرك وخصوصاً الهجومـي
ويفكنـا من ميزاجيـة ليديسمـا .. وممكن ليديسمـا يبـدع اذا تحرر من الادوار الدفاعيه اللي فشل فيهـا في حال لعـب كـ محور هجومي او صانـع لعـب


التشيكي الثانـي كـوزاك

طريقـة كوزاك باللعـب بالنسبـة للمدافعيـن ( مهااااااجم غثييييييث ^_^ )
مو قادرين عليـه والسبب ضخامـته الكبيـرة

حتـى بالكورة اللي لمسهـا وضربت القائـم
لاحظـوا يا جماعـة وين كان .. كان خلف مدافعيـن بس مـد ساقـه بين رجل حميدتش اعتقد وبغى يسجل هـدفه الاول

مهاجـم الفريق بحاجتـه الموسـم الجااي .. لا اعارة ولا شي
لازم لازم يلعب الموسـم الجاي .. ناقصنـا هجوم بـ مثل امكانيـات كوزاك

\
/
\


نجي الحيـن لـ تكتيكات روسـي ولو انها غير معرضـة للانتقـاد
تقريباً المباراة كانت شبـه وديـه و للتجـارب فـ روسي عذره زاهـب

اليوم شفنـا لورينزو على جهـة اليسـار .. وكأنـه يهيئـه عشان يكـون بديـل لـ كولاروف
ما سوينـا شي .. لورينزو متضايق من ليشتستاينر نجيبه عند الوحـش اللي دايم توب ما شاء الله كولاروف !!

واللي يضحـك اكثـر بروكـي كان جنـاح يسـار .. رغـم انـه لعب زيـن
ولكـن لورينزو يحتـاج خانـه خاصـه فيـه فـ هو شباب وعنده امكانيات كبيرة بعكس بروكـي

يعنـي ياليـت يتم التفكيـر بـ فوجيا على الجهـة اليسرى كـ جناح و لورينزو على الجهـة اليمنى كـ جناح

ومع دخول كولاروف في مكانـه .. حزتها كـوزاك راح يتدلع آخر دلع بالعرضيـات


بالنسبـة للدفاع سيفيليا ياليت يعتزل ويعطونـه منصب اداري اي شي بس يفكنا من اللعـب
نادراً المباريات اللي بدع فيـه واليوم اكثـر الخطورة كانت من جهتـه او هو له دخل فيهـا

تويـا بديـلـه بغـى ينطرد ويسبب بلنتي ^_^
ولكن مع هذا نعذره مباراتـه الاولـى

ولكنـه مدافـع قائـد بصراحـة و واثـق من نفسـه

وعجبني لعبتـه الطوليـه بالمليمتر لـ رجل بروكي على الجهـة اليسـرى
والظاهـر انـه مميـز بالكـرات الطوليــه


مينتدشينـو شات شـوتـه حلـوه على بوفـون
يمتلـك رجـل قويـه

بس في شي ماني فاهمـه .. كوازك اذا انطلق لحقـه في نفس الجهـة
ومينتدشينو اذا انطلق كوزاك يلحقـه في نفس الجهـة

حسيت انهم عاهات ^_^

ولكن ما نلومهم شبـاب

وممكن هالطريقـه متعوديـن عليهـا بالبريمافيرا
لـ سحب المدافعيـن وترك المهاجم الثالث على راحتـه

لأن بالبريمافيرا يلعبون بالطريقة هاذي 4\3\3


الحيـن بـدأ وقـت الجـد وبانتظـار مصيـر روسـي

[Laz!o]

من زمان و أنا أقولها
يعجبني المهاجم اللي يضرب المدافعين

كوزاك عنده امكانيات بدنية كبيرة ومع الوقت راح تتطور

[متيم لازيو]

هاردلكم يا شباب ماشفت شيء للأسف ؟؟!

علمونا متى الإعادة ؟!

[لازيوي]

مشكور يا عواد على هالتحليل ، انا ماشفت المباراه ولكن تحليلك حسسني بشيزاري مالديني قاعد يحلل

لاتسيو من نتائج مبارياته في بالبريمافيرا يدل على انه منجم للمواهب الغير مستخرجه
و علشان انشوف الفرق بين لاتسيو و مانشستر مثلا

ماكيدا جوهرة لاتسيو المسروقه ، في اول ظهور له وفريقة متعادل يدخل يخلص المباراة !

يا إلاهي مالذي يحدوث ، ماهذه الثقه يا سير فيرغسون لتعتمد على لاعب شاب في مباراة مصيريه تحدد مسار اللقب بالنسبه لك !!

ولاتسيو فريق لاينافس على الدوري ولدية صف رائع من الشباب ولا نشاهدهم حتى في الوقت بدل الضائع ! واذا خرجوا من الفريق يظهر لنا ليتوتو ويقول سرقوا لاعبيني سرقوا لاعبيني ( كأني قلبتها مسلسل مدبلج !)

[Ben Nasser]

الفريق محتاج لمهاجم بإمكانيات كوزاك
في لاعبين شباب واعدين في لاتسيو لكن مافي ثقه من روسي
لو في مدرب يعرف يستغل شباب لاتسيو اعتقد بيكونون لاعبين لهم شأنهم في الكالتشيو
كوزاك .. لاعب خطير لو اعطي الفرصه+الثقه بيكون احد ركائز الفريق
و خساره متوقعه وهارد لك للجميع

[Ole]

مازلت عند رايي

كوزاك بعيد ويبي له وقت طويل حتى يوصل مستوى فريق لاتسيو

لاعب مايعرف يثبت كورة وردة فعله بطيئه ومباراة أمس اشبه بمباراة ودية والشي الوحيد اللي اعجبني فيه انه يعرف يتواجد بالقرب من المرمى

مندنيشو حظوظه اكبر مع الفريق