مشكور أخوي على هذا التقديم الشامل للمباراة وواضح جهدك الكبير في إعداده
بالنسبة للمباراة
أتمنى ما انشوف نفس هذه الصورة كثيرا" يوم الأحد مع انه الكل متشائم
واعتقد انه هذي الصورة أبلغ تعبير لواقع الحال في الوقت الراهن حيث ميلان منتعش بنتائج رائعه في الفتره الاخيرة وبدأ يعود لمكانته وبدأ يقترب من فرق الصدارة ويمثله هنا باتو بلقطة فرح رافعا" يديه على شكل طائرة تقلع فهل يواصل ميلان إقلاعه نحو القمة على حساب لاتسيو..؟؟ وأيضا" في الصورة ابلغ تعبير لحال لاتسيو في الوقت الحالي ممثلا" بصورة موسيليرا وهو واقع على الارض وهو نفسه وضع لاتسيو المتدهور في الفتره الأخيرة و وواقع ايضا" في اسفل الترتيب..!!! لو تلاحظون في الصورة يد موسيليرا المرفوعه تعبر عن محاولته اليائسة في النهوض فهل تكون أيضا" محاولة فريقه لاتسيو يوم الأحد النهوض من سلسلة إخفاقاته الأخيرة على حساب ميلان يائسة..ّّ؟؟ ^
^
^
خليكم من اللي مسوي بيحلل لوحة لاتسيو التجريدية خخخخخخ
واسمعوا الكلام اللي بخاطري من جد
اتمنى نفوز في هالمباراة بس ولو حتى تخسر باقي المباريات لين يناير <--- اعرف مستحيله
تعرفون ليش..؟؟
لأني شفت مواضيع التقديم لهذه المباراة في كثير من المنتديات واكثر جماهير ميلان إذا مو كلهم متأكدين مليون في المية انهم فايزين لا وبعد متوقعين نتائج كبيرة اللي يقول بيفوزون ستة واللي يقول خمسة واللي محترم لاتسيو فيهم يقول لاتسيو قوي وبنفوز عليه ثلاثة بس....!!
وأكثر واحد قهرني كاتب انه من طلع الجدول للدوري الإيطالي يحط +6 نقاط للميلان مبارتي لاتسيو الذهاب والإياب لانهم مضمونات ولاتسيو محطة بنزين لميلان يعبي نقاط ويمشي..!!
انا اعترف انه ميلان صاير عقدة لنا من فترة طويله طبعا" في الدوري بس لاننا في الكأس نمردغهم بس ما توصل لدرجة انهم يستهترون فينا للدرجة هذي...!!
أتمنى نفوز بس هالمباراة عشان ينقهر راعي محطة البنزين مثل ما قهرني
تكفا يا بالارديني بسامحك عن كل النتايج الزفت الأخيرة بس ابيك تفوز هالمباراة وبعدها إذا ودك ترجع تكمل مسيرتك البايخه بكيفك ما عندي مانع
تحياتي