1ـ هل تعتقد أن المنتخب الألماني قادر على المنافسة في هذه البطولة عطفاً
على الأداء الذي قدمه في دوري المجموعات ؟
بصراحة ما اعتقد ان الالمان قادرين يكملون للبطولة للأسف !
المستوى اللي قاعد يقدمونه ماهو ذاك الزود !!
اللعب القوي الحين ما قام ينفـع .. المفروض يغير لوف من التشكيلة ويغير من التكتيك شوي ماهو واجد
يعني غوميز المفروض يلعب كوراني مكانه
وبالاك المفروض يحرره من المحور ويخليه يلعب بالمكان المعتاد له
2ـ في رايك من هو أفضل لاعب في المباراة الأخيرة ضد النمسا ؟
بصراحة المباراة كانت دفاعيه من المنتخب الالماني .. فـ لذلك انا اختار قلبين الدفاع
ميرتساكر و ميتزلدير .. قدموا مباراة كبيـرة جداً
3ـ ما الذي يجب أن يفعله المنتخب الألماني ليتجاوز العقبه البرتغالية في ربع النهائي ؟
اعتقد الكل متفق على طريقة لعب البرتغال .. واعتقـد الحل بـ كسر طريقتهم هي اللعب بـ نفس اسلوبهم
ليمان
لام ___ ميتزليدر ___ ميتساكير ___ فيريدرش
فرينغـز ____ تروبوسكي
بـالاك
بودولسكي _____________ اودونكور
كلوزه
اعتقد بالخطه هاذي راح ينحصر اللعب بخط الوسط
ولا قسنا الالمان بخط الوسط من ناحيه القوة الجسمانيه
فـ لهم الكفـه .. جوانيهو و ديكو كلهم اجسامهم ضعيفه
يعني كتف واحد يطيحون
الدفاع فيريديش يكون دفاعي بحت وما يتقدر
و لام يكون مسّاك لـ رونالدو لانه سريع وممتاز بالالتحامات
اودونكور ممتاز وطلقــه .. ونقطة ضعف المنتخب البرتغالي هو فيرارا ع الجهة اليسرى
ماهو فيرارا الاولي وممكن لو لعب ادونكور بـ يقدر يسبب ازعاجات كثيرة
وشكراً ع النقاش ^_^