كتبت فـ ابدعت
موضوع روعه يا شعبـان و اسقاطات القصـه جايه مضبوطـه تماماً على حال الفريـق و الإدارة
لوتيتـو عنده ايجابيات بلا شك وايضاً عنده سلبيات عديدة
و هذا حال كل رؤساء الانديـه بالكالتشيـو بـ استثناء اليوفنتوس و نابولي بسبب الموارد الماليـه الضخمه اللي تجيهم بـ دعم من بلدية تورينو لليوفي و نابولي لـ نابولي
اختلف معاك في نقطة ان الثابت الوحيد هو بيع اللاعبين بـ اعلى سعـر
جميـع صفقات البيـع كانت عاديـه و بعضها بـ خسارة كبيـرة
الصفقات الممتازة في البيع كانت مودينغاي و كولاروف و كوزاك فقط !
مودينغاي جانا من تورينو بالدرجة الثانيـه و تم بيعه بـ 6 مليون + نصف بطاقة مغني اللي تقدر بـ 2 مليون
كولاروف جانا بـ 800 الف و تم بيعه بـ 18 مليون + بطاقة غاريدو اللي تقدر بـ 2 مليون
كوزاك جانا بـ 1.2 مليون يورو و تم بيعـه بـ 9.5 مليون
و جميع باقي الصفقات كلها ارباحها اما 2 او 1 مليون او خسـارة كبيرة و فادحـه مثل صفقات كاريزو و ماكينوا و زاراتي و فلوكاري
حتى هيرنانيس اللي الى الآن ما تم اعلان قيمه الصفقة و لكن الاخبار ذكرت انها اغلقت بـ 18 مليون ربحنا فيـه فقط 4.5 مليون يورو
و هالشيء هذا يخليني اتكلم عن النقطة الرئيسية اللي كنت ناوي اتكلم عنها و هي اهم سلبيـه في لوتيتـو
لوتيتـو و اللي استغرب ان كثير من الاخوان يتفقون معاه بهالنقطة ما يبي يبيـع ( جواهر ) الفريـق نهائيـاً !! ما يفكر يبيع اي جوهره على كلامـه اللا اذا طلب اللاعب منه يطلع
و هذا للأسف اكبر غلط و هاذي هي اهم سلبيـه في لوتيتـو انه ما يبيـع اللاعبيـن !!
لوتيتـو يبي يبيع فقط اللاعبين الخارجين عن خطط النادي مثل سكولي و الفارو و فينيسيوس و غاريدو و فوجيا و ماتوزاليم و بيتزاري و ستانكيفيشيوس و سكالوني و زاوري .. و القائمة تطول
هذول فقط اللي لوتيتـو يبي يبيعهم و ما عنده مشكلة في بيعهم
اما جواهر الفريق مثل ما يقول ما يفكر في بيعهم نهائياً اللا اذا اللاعب طلب الانتقال
و هاذي الفكرة هي اكبر غلط خصوصاً اننا نتكلم عن فريق بالكالتشيـو اللي ما عنده اي مداخيل خاصة غير القمصان .. حتى التذاكر جزء منها ياخذه الاتحاد لان الملعب ملك للاتحاد الايطالي !
لازم لوتيتـو يعرض اللاعبين للبيـع مو شرط اللاعب يطلب مني .. و الجواهر هاذي اللي يتكلم عنها للأسف و بـ امانـه شديده لاعبين جيدين فقط ما هم ممتازين و لا سوبر
الفريق ما عنده الماده للشراء اللا في حال البيـع .. و اللاعبين الخارجين عن خطط النادي لو ابيعهم كلهم ما يجيبون 5 مليون على بعضها
و لوتيتـو اذا يبي يبيع لاعب مهم و من ( جواهر الفريق ) يصير مثل الشايب اللي عنده سيارة يبي يبيعها و هو ما عمره باع سيارة ابد .. سيارته سكراب و خربانه و لكن يبي يعوض المبلغ اللي دفعها فيه او مبلغ قريب منه .. و اذا قلت له سعر السوق كذا و كذا او هاذي سيارة مثلها و مثل موديلها سعره كذا .. ما يرد عليك و متمسك في رايه لأنه يخاف انك تلعب عليه و تضحك عليـه
وضع لوتيتـو مثل وضع هالشيبان اللي يبيعون سيارتهم او بيوتهم و ما يعرفون سوق السيارات او العقار
بالمصطلح العامي لوتيتـو لازم يكون ( شريطي ) سلس في تعامله بالبيـع و يعوض المبلغ اللي دفعه و فوق ربحه حتى لو كان بسيـط
و السبب ان اللاعب اللي يبقى بالفريق لـ فترة طويله ( ولم يحقق هدف الفريق ) يجيـه دروب طبيعي
هيرنانيس او لوليتش او كلوزه او كاندريفا او غيرهم من اللاعبين يسمعون كلام الادارة ان الهدف الوصول لدوري الابطال و كل سنه يفشل الفريق بغض النظر عن الاسباب
خلاص اللاعب في قرارة نفسه ينعدم عنده هذا الطموح و يجيه دروب بالمستوى و احياناً يكون ممتاز و احياناً يغث داخل الملعب يعني مزاجي جداً .. هنا يكون القرار بالبيـع على طول
فـ لوتيتـو لازم يتعلم شلون يبيـع و لازم ما يبالغ في اسعار اللاعبين
اذا وضعت حسبـه كـ مثال و على اقل تقديـر
سياني = 2 مليون
كافاندا = 3 مليون
كونكو = 2 مليون
نوفاريتي + بيريرنيا = 1 مليون
التاتا = 4 مليون
اونازي = 4 مليون
ايديرسون = 3 مليون
هاذي 19 مليون على ( أقل تقدير ) + 9 مليون لـ كوزاك + 18 مليون هيرنانيس
المجموع بـ يكون = 46 مليون يورو !
46 مليون غير الصفقات المجانيـه اللي ممكن تصيـر نقدر نجيب فيها 7 او 8 لاعبين ممتازيـن
السنـه اللي وراها يتم تحديد اللاعبين الرئيسين فقط اللي راح يعتمد عليهم الفريق و يتم وضع حسبـه جديده على اقل تقدير لـ بيع بعض اللاعبين و ايجاد ميزانيـه جديده
على سبيل المثال
لوليتش = 8 مليون
كانا = 2 مليون
ليديسما = 2 مليون
بيريا = 2 مليون
و هكذا كل سنـه لازم ابيع كم لاعب مهم اقدر اعوضه واكون استفدت منه لـ 3 مواسم
سلسلة البيع هاذي طبعاً بـ تكون لـ لاعبين مهمين قادرين يضخون اموال بـ خزنه النادي و تكون ميزانيـه للميركاتـو .. مستحيل ابيع زاوري و سكالوني فقط و اقول جتني فلوس للميزانيـه و اجيب ظهير ايمن جديد قوي مستحيييييييييل .. و المحصله شفناها على ارض الواقع و البديل هو بيريرينا
هاذي هي ابرز سلبيه في لوتيتـو و لو يحلها اعتقد ان 90% من مشاكل لاتسيـو تنحل
لأن مسألة الشراء عند لوتيتـو هينـه جداً و هو يدفع ما في اي مشكله .. لكن اذا ما كانت في ميزانيـه صعبـه يدفع
زاراتي بـ 23 مليون
فلوكاري بـ 11 مليون
هيرنانيس بـ 13.5 مليون
اندرسون بـ 8 مليون
بيغليا بـ 6 مليون
ماركيتي بـ 6 مليون
سيسيه بـ 5.5 مليون
كونكو بـ 5 مليون
ماتوزاليم بـ 8 مليون
كاريزو بـ 7 مليون
ماكينوا بـ 7 مليون ( على دفعتين 3.5 مليون )
بيهرامي 5 مليون ( 2.5 مليون مناصفه لـ فيرونا و جنوى )
و غيرهم من اللاعبين صفقات من 5 مليون و فوق
فـ مسألة الشراء ما هي مشكله لكن طبيعي انه يكون في ميزانيه تساعدني على الشراء
و الميزانيـه هاذي بالكالتشيـو ( بـ استثناء اليوفي و نابولي ) لازم تتم بـ بيع اللاعبيـن
الميردا اقرب مثال بـ بيع اللاعبين البارزين و المهمين ( لاميلا + اوزفالدو + ماركينوس + ستكلنبرغ = تقريباً 100 مليون جتهم ) و المحصله دخلوا السوق بشكل ممتاز
فيورينتينا اقرب مثال بـ بيع اللاعبين المهمين و عدم المبالغ بـ السعر ( تشيرتشي 5 مليون + لياتش 10 مليون + دي سيلفستري 1.2 مليون ) هاذي 16 مليون فقط !
لو لوتيتـو رئيس الفيولا طلب فيهم 50 مليون !!
هذا غير صفقات البيع الثانيـه مثل لازاري و سيفروفتش و كاساني و الحمداوي و فري و غيرهم
لازم بطريقنا يبيـع ^_^