يعطيك العافيـة يا عمـر على التقـديـم الحلـو والرائـع
والمنظم و الحلو والرائع والمنظم ^_^
لاتسيـو بدأ بدايـة قوية و اصبح فريق متكامل ومتماسك .. المدرب ديليو روسي اصبحت لديه حلول كثيـرة .. اللاعبين الاساسيين اصبح تعويضهم امر سهل بتوافر بدلاء مميزيـن .. ولك مثال على لورينزو وبديله السويسري مقدم مستوى اكثر من مميز .. و زاراتي مغطي مكان روكي .. و بروكي مكان دابو و ماتوزاليم مكان مغني
يعني المدرب الحيـن يقدر يبدّع بالفريـق .. ويقدر يغيـّر من الخطة الى الخطـة اللي يبي .. سواء يبيها 3 هجوم او يبي يلعب على الاجنحـة او يبي يرجع للخطة القديمة حق المرتدات أو غيره وغيره
يعني روسي ماله عذر هالمـرة نهائياً ماله عذر
اما بالجهـة المقابلـة فـ الميلان تعيس هالموسم تعيس جداً واعتقد المشاكل الداخليـة بالفريق و وتمسك انشلوتي بنفس تكتيـكـه المعتاد سبب من اسباب تدهور الميلان
واتوقع السبب ان لاعبي الفريق فقدوا الثقـة بالمدرب اضافـة الى عدم لعب النجوم في بطولة دوري الابطال وان اللاعبين ما قاعد يستمعون لمطالبهم
سيدورف قال ماله داعي يجي رونالدينو و جاء رونالدينو واخذ مركز سيدورف !
بيرلو يبي زيادة بالراتب وما زادوه ؟
غاتوزو طلب من الادارة السماح له بالانتقال اما للريال او البايرن وما سمحوا له ؟
الهجوم صار زحمـة عندهم شيفا و باتو و انزاغي و كاكا و رونالدينو ؟
منو يلعب ومنو يقعد ؟؟
وغير هذا وهي نقطـة الضغف الكبرى بالميلان
الدفاع و حراسـة المرمى
هالمركز الخلفي متهاااااااالـك وما اعتقـد انشلوتي يقدر يسوي شي والسبب ان افضل لعيبتـه مصابيـن
س1/ هل تعتقد أن بإمكان لاتسيو فك العقدة الميلانية في ظل الظروف الموالية لذلك ؟
ان شاء الله يقدر لاتسيـو .. الميلان ( انطق ) من جنوا و بولونيا .. وش السبب اللي ما يخلي لاتسيو يطق ميلان
س2/ في ظل حماس بعض لاعبي الفريق والرحيل إلى ميلان للفوز هل تعتقد
أن ديليو روسي رتب لذلك من الناحية الفنية والنفسية ؟
لازم يرتب ويدرب .. هو وش شغلتـه أجل ؟ ^_^
لكن للأسف بعد تصريحه الاخير حسيت انه يقول للاعبين ان خسرنا عادي ترى
والدوري في بدايـته
احسـه يحبط فيهم !
س3/ بما أن بروكي سوف يواجه فريقه السابق هل تؤيد دخوله أساسياً
وهل تتوقع منه في حين دخوله أساسياً البروز بشكل لافت ومساعدة لاتسيو ؟
هو منو في غيره يسد مكان دابو ؟ .. اكيـد ينزل اساسي .. وانا واحد من الناس اشوف ان بروكي يقدم مباريات حلوه .. ومباراة السامب لعب فيها بشكل حلو واعتقـد انه تأقلم بعض الشيء مع الفريق
من ناحيـة انه راح يباري فريقه السابق فـ هذا شي معروف .. ان اللاعب يبدع قدام فريقه السابق
س4/ بما أن زاراتي أبدع حتى الآن هل تتوقع مواصلة التهديف خاصى على فريق كبير كميلان وعلى أرضه وبين جماهيره ؟
زاراتي من خلال ما شفناه يقدر يسجل بأي وقت وبأي طريقـه
واكثر شي عاجبني ومن زماااااااان كنت اقولـه
نبي مهاجم شوّيـت من خارج منطقـة الجزاء
يعني اذا انقطعت الحلول الهجوميـه والفريق اللي ضد لاتسيو قفل دفاع
ممكن يكون التسديد من خارج منطقـة الجزاء هو الحـل
وزاراتي يمتلـك هالشغلـة او هالخاصيـة
غير انه سريـع ومهاري .. ودفاع الميلان عواجيـز
يعني هالشي يصب في مصلحتنا
ويعطيك العافيـة يا عمـر