فوز كان جميل على الفيولا في ارضهم و وسط جماهيرهم اللي كانت مشحونه بشكل كبير على الاتحاد الايطالي و التحكيم و انعكس هذا على اداء لاعبينهم على ارض الملعب
هدف كانا خرافي بصراحة .. مظلوم الالباني ولازلت مقتنع انه يمتلك الكثير لكنه ظلم في مركز الدفاع
اهدافه كلها حلوه ويانا .. هدفه على ليتشي و اختراق الدفاع من العمق و هو لاعب وسط
و نادراً جداً نشوف مثل نوعيه هاذي الاهداف في لاتسيـو ان لاعب وسط تجيه تمريره بينيه و يخترق فيها الدفاع و يسجل
هدفه على اتالانتا من تسديدة قويه من بعيـد بالتسعيـن
هدفه على سامبدوريا آخر الدقايق و مراوغته بشكل ممتاز
و الحين هدفه على الفيولا بـ مقصيه خياليـه
اتمنى ريجا يجربه في وسط الملعب مع بيغليا خصوصاً في ظل اصابه ليديسما .. و يفكنا شوي من تأليف اونازي و التاتا و خصوصاً النيجيري !!
اونازي تلف اعصااااابي بهالمباراة ! لو خسرنا او تعادلنا فيها كنت راح احمله المسؤوليـه .. ثلاث مرتدات ثنتين منهم 3 لاعبين لـ لاتسيـو على 2 دفاع للفيولا و يضيع هاذي المرتدات كلها بشكل غريب عجيب !!!! كان المفترض نفوز 3-0 لو استغلينا هاذي المرتدات
اونازي اما يحاول يطور من نفسه مثل ما سوا رادو و يطور مهاراته الهجوميه او نبيـعه افضـل و نرجع بيربتويني اللي مثل مستواه و يمكن احسن منه بعد
بالنسبة للمباراة بشكل عام فـ فيورينتينا ما هددوا المرمى اللا بـ رأسية اكويلاني فقط
باقي المباراة كلها استحواذ و تمريرات و عرضيات من دون فائدة تذكـر
دخول نوفاريتي ما كنت مقتنع فيه لكن بعد نهاية المباراة كان تبديل ممتاز
و الارجنتيني بدع في ابعاد الكرات العرضيـه و هو مع كانا و سياني اللي كلهم طوال و يتميزون بالرأسيات
كاندريفا ما عجنبي نهائي بالمباراة .. اداءه غريب و ما يرجع يدافع و مبين عليه ( منفّس ) !
الحين الفرق 3 نقاط بيننا و بين الانتر صاحب المركز الخامس المؤهل لـ الدوري الاوروبي
لكن بصراحة ما اتمنى نتأهل للدوري الاوروبي .. في حال لعبنا الموسم القادم فقط بـ بطولة الدوري اعتقد اننا قادرين نتألق مع ريجا و ممكن ننافس على المراكز المتقدمه
هذا روما الميردا ما عنده اي بطولة و مركزين على الدوري و ممكن يتأهلون لـ دوري الابطال
و بقية الانديـة ضعيفه و مستواه متذبذب .. لذلك اعتقد انه من الافضل عدم التأهل للدوري الاوروبي و التفرغ الموسم القادم لـ الكالتشيو فقط و وقتها ممكن نحقق انجاز طيب