مبروك الفـوز .. ثلاثيـة رائعـة امام كالياري المتطور و الصعب على ارضـه
اللاعبين دون استثناء قدموا مستوى ممتاز و ساهموا بالفـوز
ماركيتي حارس ممتاز و محظوظين فيـه
دياس و دياكيتـه قدموا اداء جيـد و لو انه كل واحد فيهم له بعض الهفوات
رادو اليوم افضل من المباريات السابقـة و ساهم في بناء هجمة الهدف
كونكو واضح انه مصاب و يعاني من شد و آلام في الظهر .. و اللزقات اللي طالعه من رقبته توضح هالشيء .. اداءه كان ممتاز اذا قلنا انه لعب و هو مصاب و كان المفروض يخرج لـ اراحتـه
لوليتش يختفي في الوسط و لما يفتح على الاطراف تظهر خطورتـه و مع هذا سجل هدف بشكل رائع
بروكي مجهود بدني كبير و لكن في الشوط الثاني اختفى و الظاهر ان مصاب
هيرنانيس للأسف اداء سيء و ما قدم المأمول منه بالملعـب
ليديسما لعب بشكل ممتاز بس لو يخلي التمريرات اللي مالها داعي بـ يصير خوش ولد ^_^
سيسيه من نجوم المباراة .. ينزل تحت و يستلم كرة و يبني الهجمـة و يصنع الاهداف
و الحلو فيـه انه مو اناني و يبحث عن التسجيل بل العكس يطلب الكرة من اجل صناعتها
كلوزه يختفي يختفي يختفي و يظهر بـ هدف .. بس واضح ان كلوزه يحاول يصنع لـ سيسيه فقط
في احد الهجمات لوليتش فاتح له ما عنده احد و فضل كلوزه يمررها لـ سيسيه لكن انقطعـت
سكولي ما ظهر كثيـر لكنه غطى شوي مع كونكو بالخانة اليميـن
كانا وحش الالباني دوره في قلب الوسـط هو اللي يظهر طاقتـه
روكي روكي روكي .. آآآهـ يا بو الرووك يا بطل يا تاريخي
من قبل لا يلعب ليديسما الكرة و حطوا اللقطة على روكي و طلبها من ليديسما
توقعت انها بـ تكون كرة خطرة و الحمدلله جاء الهدف و فرح الكابتـن
الفوز بهالطريقة جاء بسبب خربطة في كالياري و اختلف مع اخوي خالد بالتقليل من حجمهم
انا قلتها بالنقل المباشر بين الشوطين ايكدال هو اللي مخربط كالياري بس ثابت على الطرف اليسار
و مو يسمح لـ استوري بالتقدم و لا يساند الهجوم ولا يساند الدفاع يعني وجوده مثل عدمـه
من دخل الخال ابو سيقان و شفنا اداء كالياري تغير .. فـ لو كان يلعب كونتي في الوسط و لعب بيونديني يمينـه و نايغولان يساره اعتقد كنا بـ نواجه متاعب مثل اللي واجها نابولي قدامهم
عموماً اهم شي فزنا و الحيـن نبي الفوز الاوروبي