قواك الله يا عدنان على هالتقديـم بداية مع الجزيرة .. مدري ليه دايم يحبون ينكدون علينا !! مباراة قوية بين ناديين قويين و معروفين في اوروبا و يمتلكون نجوم كثر و مع هذا مو منقوله !! شيء غير مقبول و غير معقول ! انا بعرف منو يشجع نادي ليفانتي واللا نادي توينتي ؟؟ واللا محاباة بس عشان دوري توم اند جيري ! واللا مباراة هلسبورغ مع هانوفر ؟؟ و الصدمة مباراة توتنهام منقوله على قناتيـن ؟؟ ناس مدري شلون يشتغلون \ \ \ نجي للمباراة .. اعتقد ان بيتكوفيتش راح يدخل بـ نفس التشكيل المتوقع و لكن مو بـ نفس الرسم و توقعي انه بـ يستمر باللعب بـ طريقة 4-1-4-1 مع وضع فلوكاري كـ جناح ايسر و يكون هو اللاعب التكتيكي اللي يدخل العمق مع كوزاك سبق ان عملها اكثر من مرة و شفنا زاراتي ما نجح فيها بـ عكس ايديرسون اللي تفوق فيها و اعتقد انه هالمرة بـ يجرب فلوكاري خاصة ان فلوكاري يحب يتحرك كثير و ينزل على الاطراف و دخوله للعمق مع امتلاكه كنترول ممتاز ممكن هالشيء يخليه يقدر يتقمص دور ماوري بـ نجاح المشكلة بـ تكون في ماوري نفسه و وش راح يكون دوره الفعلي بالمباراة بالنسبة لليونانيين نقطة مهمة قد يجهلها الكثير .. و هي ان النادي يمر في مشاكل عويصه داخلياً و رئيس النادي متمسك بالمدرب و من اجل المدرب فسخ عقد الكابتن الثاني بالفريق كاتسورانيس !! كاتسورانيس على اليمين و كاراغونيس على اليسار نائب الكابتن و الكابتن لـ نادي باناثينايكوس وللمنتخب اليوناني رئيس النادي اليوناني اجتمع مع المدرب لـ معرفة اسباب هالنتائج السلبية المدرب قال ان كاتسورانيس يأثر بشكل سلبي على الفريق بسبب كلامه مع اللاعبين في غرف خلع الملابس ! و الصدمة ان الرئيس فسخ عقد اللاعب مباشرة بشكل غريب .. وهالشيء اثر على اللاعبين لأن كاتسورانيس محبوب عندهم و كابتنهم و كابتن منتخبهم .. حتى الجماهير ثارت على هذا التصرف ضد لاعب خط الوسط حتى ان مدرب منتخب اليونان استدعاه لـ مباراتهم ضد البوسنة و سلوفاكيا قبل اسبوعين رغم انه لاعب حر هاذي المشكلة الداخليه اللي طفت على السطح مثل ما يقولون و خلقت جدل كبير في اليونان بالامكان استغلالها من صالحنا .. ممكن جماهيرنا تتغنى بـ اسم كاتسورانيس و تشتم مدربهم ^_^ و هالشيء اتوقع بـ يأثر سلباً في نفسيات اللاعبين اليونانيين الخوف فقط من حماس جمهورهم الموالي لـ جمهور الرومانيستا الميردا .. و اكيد راح يطالبون اللاعبين بالفوز و اللاعبين بالمقابل راح يحاولون يراضونهم غير هذا معروف ان اليونانيين يلعبون بـ اسلوب بدني قوي جداً جداً و يقفلون صح دفاعياً لذلك افضل حل نلعب بـ نفس اسلوبهم و نحاول نضربهم بالمرتدات و الكرات الطويله و الشوط الثاني ممكن نعتمد على زاراتي كونه سريع عل و عسى يخطف هدف او يتسبب فيه