هذي المباراة تعتبر فرصه ثمينه حتى تقربنا أكثر للصدارة وتخلينا بالمركز الثالث ولو بشكل مؤقت
صحيح الفريق ضايع من كثر الإصابات والإرهاق وصعب نترجى منه شي .. لكن إذا كانت الروح موجوده والمعنويات عاليه ممكن نفوز
تشيزينا اكيد راح يسكر طول المباراة ويلعب عالمرتدات + ممكن يشكل ضغط كبير علينا إذا تراجعنا للدفاع من غير مبرر فعلي وهالشي هذا شفناه في أكثر من مباراة
كإمكانيات تشيزينا عنده لاعبين ممكن أحسن من الي عندنا لكن ممكن تكون طريقة المدرب وتوظيفه للاعبين فاشله وهالشي هذا يخلي اللاعبين يلعبون بأسلوب فردي
هذي المباراة تغنينا عن التفكير بالأسبوع الجاي وتخلينا نشتغل بروح عاليه حق مباراة الأتلتيكو أما الخساره لا قدر الله تحبط من روح اللاعبين
للأسف فرص كبيره ما أستغليناها .. لكن لازم هالمره نستغلها ونحسم المباراة بوقت مبكر وأكيد فريق تشيزينا مو جاي يتفرج بالمباراة
الله يسترنا بس من الإصابات والأخطاء الفادحه الي ضيعتنا في أكثر من مباراة هالموسم
عشت أخوي محمد