تعادل يقهر والله
هدف صحيح يلغى ! .. بيافا ماله دخل بالتسلل و القانون الجديد لـ حالات التسلل ينص على ان اللاعب يلمس الكرة .. و نوفاريتي هو اللي سجل الهدف من عرضيه و كان معاه مدافعين ماسكينه
حتى الحكم كان مصدوم اساساً بالقرار واللاعبين يحتجون عليه و ما عنده شي يقوله
و اللي يقهر اكثر لاعبينا للأسف .. انانيه مفرطه و لا مبالاه لـ اهميـه المباراة !
كاندريفا في احدى الفرص 3 لـ لاتسيو مقابل لاعبين 2 لـ ميلان
و يتأنن فيها و يميل على الجناح و يعرض تعريضه فاشله و تضيع الهجمة !
التاتا انفراد شبه صريح قدام المرمى بعد تمريرة ليديسما لكن بـ غرابه يبي يكسر باللاعب و يبي يراوغ !
كاندريفا ايضاً انفراد قدام المرمى من الجهة اليمين بعد تمريرة التاتا و يشوتها بقوة و بعشوائيه فوق المرمى و كان بـ امكانه يركد و يحطها بالزاويه البعيده
اونازي ايضاً تسديدة غريبه و في فرصة ثانيه ايضاً مررها بشكل خاطئ لـ كيتا اللي كان ماخذ مكان ممتاز
قهر والله .. حتى هدف الميلان اشنصوا فيها
ريجا لازم يكلم اللاعبيـن و خصوصاً كاندريفا ان مثل هذا الاداء و هذا الاسلوب يأثر بشكل سلبي على الفريق خصوصاً انك انت يا كاندريفا تعتبر افضل لاعب بالفريق
الوحيد اللي يلعب من قلب و صاحب اداء ممتاز و ثابت هو بيغليا .. يفر الملعب فر نشوفه بالدفاع و بالهجوم و على الاطراف .. ان شاء الله ما تكون اصابته قويـه ما حنا ناقصين نفتقد افضل لاعب بالوسط
حتى التاتا ايضاً يستحق الاشادة له كم مباراة و مستويات طيبه و يضع بصمتـه بـ استمرار
و اعتقد ان هالتوليفه بالوسط جيده ( التاتا و ليديسما و بيغليا ) و لو ان ليديسما يرفع الضغط احيان خاصة قدام الاندية اللي تضغط على حامل الكرة و شفناه قدام ميلان اكثر من مرة يبعد الكرة على طول اذا احد ضغط عليه بـ عكس بيغليا اللي يمرر صح و يحجز صح من قدام 3 لاعبين للميلان
نقطة تحول المباراة كانت بخروج بيريا و دخول لوليتش و هالتبديل اخطأ ريجا فيه انه ما تم من بداية الشوط الثاني لأن كان واضح ان الكولومبي ضايع و ما يقدر ينافس مدافعي الميلان .. و زين ان الحكم ما اطرده بـ دخوله العنيف قدام رامي
هاردلك للأسف ع التعادل