نقطة طيبه من توتنهام و للامانه ما توقعتها ابـد
مقارنة لاعبينا بـ لاعبين توتنهام ظلم للانجليـز بصراحـة
لوليتش اسرع لاعب عندنا و اللي يهجول بـ لعيبة الكالتشيو
لينون الانجليزي يطوفه زي السلام عليكم
و الهجمة المرتدة مستحيل نطبقها لأنهم سريعين و يقدرون يرجعون بسرعه
و في لقطة لـ لينون قطع الكرة من لوليتش بأحد الهجمات المرتدة و اخذ فاول
نقطة ممتازة بصراحة من معقل توتنهام
و لو عندهم مدرب غير بواش كان ممكن يفوزون
اعتمادهم الكلي على الاطراف و هذا اساساً اللعب الانجليزي
لو المدرب البرتغالي ذكي و سحب محور و نزل مهاجم مع ديفوي
كان ممكن يحصل على الفوز .. لكنه مدرب بو خطه ما يغيرها ابد
كاندريفا كان ممكن يكون فارق بالشوط الثاني مع انخفاض اللياقة لـ لعيبة توتنهام
لكن السفر و تغير الاجواء جابت له السخونه و ما تم استدعاءه للمباراة
كاندي لو كان حاضر سرعته ما راح تفيد قدام هالطيارات الانجليز
اللي كان يفيد منه هو تسديداته من خارج منطقة الجزاء
بيتكوفيتش لعب بـ واقعية .. لعيبة لاتسيو معروفين و لعيبة توتنهام معروفيـن
الواقعية كانت مطلوبه و اللعب بهالاسلوب هو الحل الوحيـد
تعادل طيب قدام المرشح الاقوى في المجموعة
الخوف الحين من ماريبور مدري وش اسمه اللي دقوا خشم باناثينايكوس