فديت خشمـك يا ارجنتينا بوي
اتفق معـاك باللي قلتـه عن فرنسا وعن ميكسيس
ولكن من وجهـة نظري الشخصيـة ميكسيس افضل من بومسونغ !
ولكن دومينيك فضل ميكسيس على بومسونغ لأن بومسونغ يلعب بالدوري الفرنسي وهذاك بالايطالي 
!
هذا اللي اقصده عن ميكسيس
بالنسبـة لـ رايي في ديارا !
بالامـانـه ما تابعـت كثير الدوري الانجليزي بـ حكم انه ما عندي الشوتايم
ولكن اتابع بعض مباريات القنوات
عندك قناة مانشسر سيتي و قناة استون فيلا و قناة الارسنال وقناة توتنهام على الجزيرة
عندك قناة ليفربول و قناة تشيلسي و قناة مانشستر يونايتد على الآي آر تي
صحيح المباريات ما تكون مباشرة وهذا يخلي حلاوتها تروح .. لكن اتابعها لأن الاندية هاذي قويـة
اللي اعرفـه ان فلاميني مقدم مستوى ممتاز لأبعـد حـد ويمتلك خاصيـة التمرير الطولي بشكل ممتاز !
وهالشي على حسب معرفتي بـ ديارا من ايام تشيلسي و الارسنـال ما عنده هالخاصيـة
ديارا ممتاز ومافيـه شك .. ولكـن نسخـه مستقبليـه عن ماكليلي !
وانا ما تابعتـه كثير مع بورتسموث وقلت السبب فوق
لكن تابعت بعض المباريات اللي لعبوها قدام الارسنال وتشيلسي و الافرقة اللي عندها قنوات بالجزيرة والاي ار تي
والحقيقة تقال بورتسموث فريق قوي ويمتلك كوكبـه مميزه من اللاعبين
ديارا ومونتاري و ديوب و كرانجير الكرواتي و بالهجوم كانو و باروش و ديفو
القصد من ديارا وسبب تفضيلي فلاميني عليـه
اني ماني شي زايـد عند ديارا وماهو عند فلاميني !
يعني مثلاً لو جينا للميـلان
جاتوزو محـد يقوم بـ دوره اللا بروكـي
كلهم لاعبين مقاتلين لكن ما عندهم اي مهارة غير قطع الكرات والسرعـة واللياقة العاليـه !
طيب لو لعبتهم اثنينهم في مباراة وحـده تقل خطورة خط الوسط من الناحيـة الهجوميـة
لو اخذنا مثال ثاني وهو ريال مدريـد
جاجو و ديارا .. لاعبين مقاتلين يقطعون الكور وعندهم خاصيـة بناء الهجمات بشكل صحيح
لا لعبتهم مع بعض تشوف خط وسط قوي وثابت المستوى
لكن لو لعـب جاجو و جوتي يختلف خط الوسـط .. واحـد ممتاز دفاعي و واحـد ممتاز هجومي
طبعاً الامثلة هاذي ما تطبق 100 % على خطـة فرنسا اللي تعتمد على محورين دفاعيين و محور قدامهم هجومي ويقوم بـ صناعة اللعب
يعني فييرا و ماكلييلي وقدامهم يا نصري يا ريبري
فـ مثلاً طلع ماكليلي .. ودخل ديارا .. الاسلوب هو هو تقريباً ما راح يتغير بالتكتيك شي !
لكن لو كان فلاميني .. اللي ممتاز بالكرات الطوليـه وهالشي ما شفته من قبل عند ديارا !
راح يكون الاسلوب هو هو .. فلاميني يقطع كرات ويبني الهجمـة ولكن راح يتغير التكتيك لأن فلاميني عنده هالميزه وممكن يستغلها دومينيك
هذا اللي قصدتـه يا الغالي
واسعـدني النقاش معـك