نقطة من ملعب باناثينايكوس افضل من لاشيء
و بصراحة اشوف الفريق قدم مردود طيب جداً
الشوط الاول كنا الاخطر في كل شيء
بـ استثناء تمريرات بيتزاري الخاطئة فـ النادي اليوناني ما كان له اي شيء يذكر
بالشوط الثاني اللعب انحصر بـ خط الوسط
لكن المدرب اليوناني عمل تغييرات ناجحه و هي تبادل مراكز بين سيتاديرس صاحب الهدف على نفسه مع فينتارا
القلب صار ظهير و الظهير صار قلب .. و مع دخول لاعبهم فارمياس مدري وش اسمه نشطت الجهة اليمنى
وضغطوا على كافاندا بقوة اللي ما كان في احد يسانده بحكم ان زاراتي يتقدم كثير للعب في الهجوم
رغم ان زاراتي عجبني اول 20 دقيقة من دخوله يضغط و يساند الدفاع و يهاجم و يلعب من لمسه وحده
لكن بعدها خارها و على قول المثل الخيط ما ينركز ^_^
و هالضغط تم تقريباً آخر ربع ساعة من المباراة و استلجوا علينا بالعرضيات لين سجلوا هدف من ركلة ركنية تمركزت في وضعيه صعبة داخل منطقة الـ 16 ياردة اي لمسه جول و هذا اللي حصل
عجبني كثير بو دماغ 
اداءه عالي من عقب صيحته قدام الميلان ^_^
ان شاء الله يستمر بهالاداء و يرجع دياس اللي عرفناه بـ اول موسم
وضع المجموعة لازال مفتوح لكل الفرق
لكن اعتقد بالنسبة لنا ممكن 4 نقاط تكون كفيله بـ صعودنا لـ مرحلة خروج المغلوب