اقتباس:
المشاركة الأصلية كتبت بواسطة stankovic  السلام عليكم ورحمة الله
كلامي هذا الي بقوله ممكن يكون شديد على البعض لكنه واقع وان شاء الله الاخوه مابينهم زعل
اغلب الشباب الي ردوا على هالموضوع هم الي يردون دايماً على اخبارنا المعتاده !! يعني من بين 300 شخص يقرى الخبر نلقى 9 هم الي يردون فقط !!
احنا ناس نقدر الظروف وكنا نضغط على انفسنا بالرغم من تواجدنا في مكان عملنا وكثرة الشغل فوقنا علشان بس نترجم لكم اخبار ونحطكم بالصورة اول باول .. بصراحه كإدارة قادرين نحط رجل على رجل ونقدم استقالتنا ونسكر حتى المنتدى ونشتري راحتنا لكن جمعتنا الحلوه هذي ممكن مانحصلها في مكان ثاني لاننا موجودين في مكان نادر جداً ان تجد فيه شخص يفهم ويعرف شنو فريقنا وواقعه ومتمسكين فيه .. صحيح نتايج الفريق لها تأثر لكن هذا ما يمنعك انك تجامل الشخص الي تعب على ترجمة الخبر علشانك بالرغم انه محبط من نتايج الفريق السيئه حاله من حالك !!
انا عارف حتى اثناء فشل الفريق الكل يدخل المنتدى لاننا صج نحب الفريق ونبي نعرف اخباره حتى خلال فشله .. لكن هل فكرتوا ان ردودكم هذي تحمس من كاتب الخبر انه يعطي اكثر حتى وان كان الفريق بالدرجة الثانيه لانه قاعد يشوف ناس تشاركه بالحوار وفي اخذ وعطى
وفي ناس حتى ان تطرقنا لهذي المواضيع يقعد له شهر يكتب مشكور عالخبر يبي يسكتنا فيها بعدين يقطع !! ياخي مابيك تشكرني ابيك تناقشني .. احنا داشين المنتدى علشان نستانس بحواراتنا كمشجعين للفريق مو تقرى جريدة وتحذفها اذا خلصت
تطوير المنتدى شي لابد منه من زمان لكن الكل كان يدري بالي حصل لاخونا عواد الي الله كتب سلامته وتعرقل كل شي كنا نبيه
مثل ما قال عواد الزمن الحين زمن تويتر وهالشي لاحظته لاني ماسك صفحة تويتر وفيها تفاعل كبير لكن هذا مايمنع اننا نحافظ عالمنتدى .. وانا في فترة من الفترات قصرت متعمد بتويتر واشتغلت بالمنتدى وشفت ولاحظت ان المواضيع قرائها زادوا بالمنتدى لكن الردود مثل ماهي !! طيب الي كان يناقشني بتويتر وينه ؟؟
اختم كلامي ان المنتدى لكم واذا تبونه يستمر لازم تبذلون فيه مثل ما نذبل .. ادري ان عندكم ظروف لكن هم احنا عندنا ظروف وقاعدين نقدر تواجدكم فأتمنى تعاملونا مثل ما نعاملكم .. صدقوني انا ما افرض عليكم شي ما تبونه ومابيكم تردون على كل المواضيع لكن تواجدك مواستمراركم يعني استمرار المنتدى
والله مره من المرات ترجمت مؤتمر صحفي بالدوام وكنت مضغوط واخذ مني اربع ساعات على ماخلصته بالاخير الردود 3 او 5 !! صج احباط
صحيح اغلب الاعضاء اكبر من عندنا بالسن ونقدر عمرهم ونتشرف فيهم كأخوه نقتدي فيهم لكن هذا ما يعني إنك تتجاهل شخص تعب علشانك وانت قريب منه سواء بالمنتدى ولا برى المنتدى |
حقكم علينا، ونحن مقصرين بالفعل رغم اننا والله نقدّر كل مجهوداتكم وكل تعبكم وكل شيء تقدمونه من أجل الفريق ومن اجل محبينه في كل مكان. وباذن الله كل شيء راح يكون افضل واكثر تفاعلا من الجميع ابتداء من الموسم القادم .. ونحنا بدونكم مانسوى شيء . الله يسعدكم ويبارك فيكم .