الادارة والمدرب متقاسمين الاخطاء
الادارة مازالت تتعاقد بغباء ... وتتعاقد على السمعة بدون تأكد من مستوى اللاعب
اللاعب البوسني يتعاقدون معه على انه ظهير وبالاخير يطلع لاعب وسط !!!
تجديد العقود ... زاوري تجديد وبعدها اعارات ... ستنداردو نفس الشي ... والاثنين رواتبهم توصل المليون واطلق من مرتبات لاعبي نابولي وفيورنتينا والفريق مجربهم سنوات طويلة مثبتين فيها فشلهم ومع ذلك تجدد معهم وبأول الموسم زحمة بالفريق ولاعبين ماتقدر تصرفهم ومافيه مساحة تدخل فيها شباب الفريق مع الاول
كم عندنا من ظهير ايسر؟؟
البوسني وزاوري وجاريدو ... ثلاثة مافيهم واحد يستاهل يلعب اساسي
والاساسي لاعب مركزه الاصلي قلب دفاع
كانا ماشفناه الا مباراة ومباراة ماتكفي للحكم على مستواه لكن بالذمة لاعب مافيه الا خشونته ياخذ ثالث اعلى مرتب بالفريق ... قابلوني ان شفتوه اساسي ... والمصيبة تتخلى عن حارس شاب مثبت جدارته علشانه
انتقالات زاراتي وفلوكاري ما اعترض عليها ... ولا بيع ليختشتاينر وموسليرا لكن على الاقل تتأكد الادارة من اختياراتها عند تعويض اللاعبين
والله فيه مواهب بايطاليا ليه مانشوف لاتسيو يخطفها قبل نابولي وفيورنتينا وباليرمو
ماديا لاتسيو اقوى منهم ... بس للأسف مافيه خبرات تدير النادي
قصة بانديف لحالها احبطتني وخلتني ايأس من مستقبل الفريق مع هالادراة
الادارة تتطور سنة عن سنة لكن تطور بطيئ واخطاءها كبيرة وتكلف لاتسيو كثير
المدرب نمدح فيه اهتمامه باللياقة ... آخر مباراة اللياقة فضيحة ... انتشار اللاعبين سيئ ... مساحات كبيرة لو يقابلنا فيها نابولي واليوفي ناكل نتيجة ثقيلة ... الله ستر قدام الميلان وتعادلنا ... ومازال الشايب مصر على طريقة لعبه ... يعبي الهجوم بلاعبين ويترك الوسط للخصم ... وبالشوط الثاني يحاول يعدل الوسط بعد مايتحكم الخصم بالملعب ... تكررت مرة ثانية قدام جنوا ... واذا ماعدل اخطاءه من بداية المباراة راح تستمر النتايج السيئة
اوكي بداية الموسم اللياقة ماكتملت عند الفريق على الاقل عب الوسط ووزع الجهد على اللاعبين
امس اشوف مباراة نابولي قدام الميلان واتحسف على فريقنا
لافيزي يسجل ثلاثة اهداف وكلها من داخل الصندوق واشوفه يرجع يساند الوسط (مساندة فعالة)
واتذكر سيسي وسكولي وهيرنانيز كيف يرجعون للوسط (اذا امداهم يرجعون) من دون فايدة للفريق
ومثلها في مباراة الميلان
طلعات لاعبين وسط نابولي والاظهرة للهجوم مدروسة ... مرة تشوف دوسينا ومرة جرجانو ومرة انلر وماجيو وعلى الجانبين الدفاعي والهجومي مستفيد منهم نابولي ... التغييرات في محلها وفي وقتها
وتراهم راجعين من مانشستر بتعادل ... هذا شغل مدرب وادارة ولاتسيو مو اقل منهم
يمكن شديت على فريقنا لكن هذا عتاب محب وغيور كل ما اقول فرجت اتفاجئ بها تضيق اكثر