هاردلك على النتيجة
اللي مصدقين ان لاتسيو متعاقد مع 6 لاعبين او 8 ويحسبهم على الفريق هذا الموسم مثل مايقول اللي ابتلينا فيه فما اقدر اقول لهم اكثر من احلام سعيدة
الاخوان اللي قالوا عن المدرب جبان ويجامل لاعبين او اخطأ بتغيير هذا الرد موجه لهم اكثر من غيرهم
كل واحد فينا يتمنى ان اللاعبين الشباب اللي مالين الدكة يطلع منهم واحد مثل ميسي او نصه او حتى ربعه
يمكن لهالسبب غاضبين على المدرب ... انا مثلكم اتمنى اشوف فليبي اندرسون وكيتا وبيريا واتمنى ان مستوياتهم ترقى للدعاية اللي وصلتنا عنهم
لكن ان جينا للواقع وقبلنا قرار المدرب فالتغييرات اللي اجراها هي الوحيدة الممكنة وانه يشارك بحسب الامكانات المتاحة له
هل هو عناد مع الادارة وتوجهها هذا الموسم بالاعتماد على اللاعبين الشباب ام هي قناعة بتواضع مستوياتهم او ماهم جاهزين للمشاركة مع الفريق الاول او هل هي طريقة عمل المدرب مع اللاعبين الشباب؟؟
هذا مايغير من الواقع بأن عدد اللاعبين المتاح للمدرب قليل والخيارات محدودة بسبب الاصابات وبالمناسبة بيرينها اصيب (كالعادة) بآخر عشر دقايق ورفض بيتكو خروجه ونقله للامام وطلب منه المشي على الاقل بالملعب
جونزاليز وبيليا وسانا ولولتش الوحيدين اللي اعمارهم متجاوزة الـ 20 سنة ومتواجدين على الدكة وشارك ثلاثة منهم بالمباراة ومبروك رجعة الاضافة الوحيدة هذا الموسم بيليا للمشاركة
ثمن الخيارات المحدودة تغيير طريقة اللعب مع كل تغيير واخيرا التعادل مع صاحب المركز الاخير
هل الوم المدرب على نتيجة المباراة نعم يتحمل جزء من اللوم وللأسباب العامة مثل الاستعداد للموسم وعدم ضغطه على الادارة للتعاقد مع لاعبين يثق فيهم ولكثرة الاصابات اللي قد تكون نتيجة لتمارينه ... اما التفاصيل المتعلقة في المباراة من طريقة لعب واختيارات لاعبين وتعامله مع مجريات المباراة فهذا امر ثانوي ولو كان مورينهو ماسك لاتسيو في مباراة اليوم فما راح يختلف المستوى كثير من وجهة نظري
والسبب اعيده مرة ثانية ... خيارات محدودة للمدرب اذا استبعدنا اللاعبين الشباب ... المدرب مااشركهم لاسبابه الخاصة
المستوى والنتيجة اللي انتهت عليها مباراة اليوم ماهي مستغربة ومتوقعين مثلها واسوأ مع انتهاء سوق الانتقالات
على فكرة روتزي اللي انتقل لريال مدريد كاستيلا اللي يلعب بالدرجة الثانية في اسبانيا قاعد يقدم مستويات كبيرة (هذا اذا شارك) وجايب معهم نقطة من 7 مبارايات والنتيجة ترتيبه الاخير ... نتكلم عن درجة ثانية في بلد تصنع وتصقل المواهب
من جديد هاردلك واتمنى تخوفي من نتايج الموسم ماتكون في محلها ويطلع لنا اكثر من ميسي من الدكة