هاردلك للأسـف
بيتكو استهان كثير في سيينا ( متذيل الترتيب ) و الخطة اللي دخل فيها و طريقة اللعب واضح منها هالشيء
خطأ مباراة نابولي انعاد و هو المجازفة الكبيرة في التقدم .. و المحصلة سيينا اكلنا بالمرتدات
6 لاعبين يهاجمون و 4 فقط بالخلف و اللي ماسك الدائرة التاتا ؟؟
ما نخلص من ليديسما يجينا التاتا .. يضغط عليه اميغارا اكثر من مرة و يقطعها منه
و الثلاثي الدفاعي ثقال و اكلونا بسهولـه للأسـف
قلتها في رد سابق قبل المباراة الافضل اننا ندخل بـ خطتنا الرئيسية و لاعبينا الاساسيين و نضمن النتيجة و بعدها يريح اللي يريحه على كيفـه
ما ألوم سياني كثر ما ألوم بيتكو .. سياني ثقيل و ما يصلح يلعب بـ طريقة الدفاع المتقدم
غير انه ما يعرف يلعب اصلاً بـ طريقة الثلاثي الدفاعي و على الجهة اليسرى !
دفاعنا زيـن و فوق الزيـن المشكلة كانت بالخطـة
سيستو و روسينا يفتحون الملعب بالعرض و يجبرون بيافا و سياني انهم يتواجدون على خط التماس
و العمق يكون فاضي ما فيه غير اميغارا السريع قدام دياس .. و الختام 3 أهداف !
المفترض اننا نلعب بطريقتنا المعتادة كانا بـ قلب الوسط و رادو على الجهة اليسرى
و بعدها نضمن النتيجة و يريح اللاعبين على كيفـه
عموماً بوادر الخسارة للأسف كانت واضحه بالنسبة لي من قبل المباراة
العودة من المانيـا و السفر لـ سيينا بالباص في رحلة تقريباً 5 ساعات
ضعف الرصيد البشري عندنا .. و انعدام الاستفادة من الرباعي ابناء النادي و هاذي يبيلها موضوع لحال
غير ان سيينا فريق قوي بالآونة الاخيرة و يقدم مستويات مميزة جداً جداً
الأمل الحيـن بـ المواجهات المباشرة للخصوم اللي راح تصير في الاسابيع القادمـة
انتر ضد ميلان - اودونيزي ضد نابولي - نابولي ضد اليوفي - انتر ضد يوفي
و عندنا مباريات مباشرة قدام الميلان و الفيولا لازم نستغلهم لـ صالحنا و اللا المركز الثالث ننساه