لاتسيو يملك مدرسه كرويه ممتازه لكن لا تستثمر بالشكل الصحيح وبنفس الوقت ما عندهم إيمان كامل بهذي النجوم الصغيره
اليوفي وروما وأودينيزي أكثر فرق الدوري الإيطالي إعتماداً على لاعبين البريمافيرا .. ولو نلاحظ أن لاعبينهم الصغار اول ما يطلعون ياخذون المميزين منهم وتتم إعارتهم لأحد الفرق الصاعده حديثاً للسيريا أي بالمجان وهم الي يدفعون رواتبهم بشرط أنهم يلعبون بشكل أساسي
اليوفي كان مؤمن بقدرات جيوفينكو وماركيزيو ودي شيلي وتمت إعارتهم لإمبولي .. وحالياً هم مع الفريق الأول ويقدمون أداء ممتاز
والأمثله كثيره على لاعبين اليوفي لكن لا يسعفني أسماء لاعبينهم والفرق الي يلعبون لهم حالياً بإستثناء بس باسكواتو الي يلعب معار لنادي بولونيا ومقدم مستوى طيب معاهم
نادي روما نفس الشي ينطبق عليه الكلام في البداية يعطون اللاعب الثقه ويلعب موسم واحد مع الفريق الأول وإذا برز تتم إعارته أكثر من مره وبالأخير يرجع لهم وهذا الشيء ايضاً موجود في أودينيزي وحتى ميلان
عيب إدارة لاتسيو أن تفكيرها محدود بالفترة الحاليه .. يعني لوتيتو قاعد يتعاقد مع لاعبين كبار بالعمر ولاعبين منتهيه عقودهم ونسى أن عنده لاعبين شباب قادرين على النجاح مع الفريق .. بصراحه مشروع فريقنا الحالي مؤقت لأن الأسماء الي فيه كلها كبيره وشارفت على الأعتزال أما المستقبل فما أشوف أن فريقنا يهتم له
الفريق الثاني بالعاصمه حالياً متواضع لأن اغلب لاعبينه شباب لكن هالشباب إذا لعبوا مع بعض لمدة ثلاث سنوات تقريباً أكيد بيكون لهم شان ثاني .. وماهو عيب أنك تضيع فريقك سنه ولا سنتين علشان تبني فريق للمستقبل
المواهب الي ذكرتها أخوي فهد أكيد سبق لها وأن تألقت مع الفريق وكلهم مثلوا المنتخب الإيطالي للشباب ما عدى سبراغا على ما أظن لكن هل لاتسيو مؤمن فيهم كلاعبين للمستقبل .؟؟ أستبعد هالشي
وجودهم في نادي مثل ساليرنو ممكن هضم حقهم إعلامياً وأكثر شي بيربيتيوني الي كان متألق مع الفريق الأول ويشارك مع بالارديني حتى بالدوري الأوروبي فمن الظلم أنك تاخذه من السيريا أي واليورو ليج وتلعبه في الدرجه الرابعه !! بهالحاله طموح اللاعب أنقتل وإذا كانت الإدارة تشوف أن ماله مكان بالفريق فعلى الأقل تتم إعارته للسيريا أي أو بي .. أو أنه يكون بالأحتياط بديل لليديسما
لكن يا جماعه خلنا نكون واقعيين شوي .. إذا كنا نبي ننافس فلازم يكون عندنا لاعبين جاهزين لأن وجود لاعبين البريمافيرا بكثرة بالفريق الأول يظلمهم لأنهم راح يكونون أحتياط + حتى إذا أعتمد عليهم المدرب بالفريق الأول راح يحدث تراجع بمستوى الفريق لأن مستواهم ما يضاهي مستوى اللاعبين الكبار
بس هذا ما يمنع أن تكون هناك مداوره بالفريق ..
وفي نقطه مهمه أحب أذكرها وهي أن إدارة لاتسيو تؤمن بالمواهب الأجنبيه الشابه ( من أمريكا اللاتينيه ) لكن ما عندها الثقه بالطليان وحتى لاعبين البريمافيرا حالياً أغلبهم من الأجانب ونادر ما تلقى لاعب إيطالي مميز مع البريمافيرا ويلعب مع منتخب إيطاليا للشباب بشكل مستمر !!
عموماً .. اتمنى بالموسم الجاي يتم الأعتماد أقل شي على كريشينزي وبيربيتيوني لأن عندهم القدره بالمساهمه مع الفريق الأول أما اللاعبين الباقين فمن مصلحتهم اللعب إعارات إما بالدرجه الأولى أو الثانيه
الله يعطيك العافيه وماقصرت على الموضوع المهم