والله غريبه .. المباراة ضاعت بغباء وبظلم تحكيمي 
أنا مابي أتكلم عن التحكيم لأن المباراة الي طافت فزنا بمساعدة التحكيم وهذا الشي لازم نعترف فيه
لكن الي يقهر أن بيتكوفيتش سلم المباراة من بداية الشوط الثاني لباليرمو !!! ماني عارف ليش غير خطة الفريق من 4-5-1 إلى 3-5-1-1 بالرغم أن الفريق كان ماشي صح وكنا مستحوذين على النص وموقفين خطورة الأطراف في باليرمو !!
بصراحه أستغرب من بيتكوفيتش أنه لغاية الحين ما أخذ درس من مباراتي ميلان وروما لما سجلنا ثلاث أهداف وقعدنا ندافع لما بغينا نخسر .. وحالياً تنعاد نفس السالفه مع باليرمو وفوق هذا جاء يدافع شوط كامل خارج أرضه وهو متقدم بس 1-0 !! هذا غلط كبير
أنا ما أحط كل اللوم على بيتكوفيتش بالعكس الفريق كان ممتاز بالشوط الأول لكن هم اللاعبين تخاذلوا وخافوا من حماس لاعبين باليرمو الي حمسهم الجمهور
صحيح ان التعادل أهون من الخسارة .. لكن النقطتين الي راحوا راح نتحسف عليهم مثل ما تحسفنا على نقاط مباراة بولونيا
إن شاء الله نعوضها بالمباريات الجايه ويتعثر نابولي