الله يعطيك العافية يا عمر و عساك من العايدين و الفايزين
مونتيلا مدرب ذكي بصراحة يلعب بكل قوته و اسلحته داخل ارضه من اجل الفوز
و برا ارضه يلعب حسب هوية الخصم ان كان ند قوي او متوسط او ضعيف
اتوقع المباراة ما راح تكون سهله خاصة مع اسلوب مونتيلا اللي شفناه فيه مع كاتانيا و مع الفيولا هالموسم
و هو توسعة الملعب و اللعب على الاطراف .. هالطريقة تجبر لاعبينا يتراجعون و يلعبون على الاطراف و يسكرون على لاعبي الفيولا .. و فجأه من وسط الملعب تشوف احد المحاور يبني هجمة من العمق
لكن الحلو ان بيتزارو موقوف و اكويلاني مو جاهز و من المتوقع ان اوليفيرا هو اللي راح يلعب اساسي
فـ ان شاء الله هالشيء يكون لـ مصلحتنا
من جهة نادي العاصمة و فخرها فـ بعض الاخبار تقول ان ماوري مو جاهز 100% و راح يبدأ على الدكة
و لوليتش هو من سـ يكون اساسي كـ جناح .. و اتمنى اشوف رادو كـ ظهير بدل كافاندا
رادو دفاعياً اقوى و افضل و ان شاء الله يكون قادر يحد من خطورة كواردادو الكولومبي و يعطي المجال لـ لوليتش بأخذ راحته بالهجوم اكثر
1 - بيتكوفيتش دائما يلعب بنفس التكتيك و الخطة , هل تعتقد أنه حان الوقت لمفاجأة الخصم و خصوصا ضد فريق قوي مثل فيورنتينا ؟ ممكن تفاجئ تورينو بيسكارا و من هالاندية المتوسطة الصغيرة نوعاً ما لكن صعب تفاجئ نادي مثل فيورينتينا المتطور و الحديث هذا الموسم و اللي قاعد يلعب بشكل ممتاز على ارضـه الاستمرار بـ نفس الاسلوب و النهج التكتيكي هو افضل خيار و ان شاء الله يتوفقون اللاعبين و يعطونا ثلاثية جديدة في مرمى فيفيانو
2 - بتألق دياز بآخر مبارتين , هل تعتقد أن دفاع الفريق قادرعلى إيقاف خطورة فيورنتينا ؟
الفيولا يطبق نظام توسعة الملعب .. يفتح الملعب بشكل كبير في الوسط مع اغلاقه بـ الثلاثي الدفاعي و كأنهم محاور
فـ الموضوع ما يعتمد فقط على الدفاع لازم حتى الوسط يساند الدفاع و ما يعطي الحرية لـ فيورينتينا انه يفرض اسلوبه و طريقه لعبه علينا
بالنسبة لـ دياس فـ ان شاء الله يواصل تألقه بو دماغ
3 - هل تعتقد أنه حان الوقت لرؤية توماسو روكي و لو لدقائق بعد تدني مستوى المهاجمين الاخرين باستثناء كلوزه طبعا ؟
اعتقد ان روكي راح نشوفه قريب خاصة ان المدرب كان يبي يلعبه قدام الميلان لأنه المهاجم الوحيد اللي كان يسخن .. لكن لـ ظروف مباراة الميلان و تسجيلهم هدفين تغيرت الافكار .. اتوقع بيتكوفيتش حاط الكابتن في باله و بـ يعطيه الفرصة و ثقتي في توماااااسو كبيرة جداً