مبرووووك الفوز .. و مبروووك استمراريـة عقدة لاتسيـو للميـلان 
المهم اخذناه و هو حصولنا على النقاط الثلاث و استمرارية الفوز و كسب النقاط
تعطي الفريق و اللاعبين دفعة معنويـة اكبـر للمباريات القادمـة
بعض النقاط اللي تستحق الذكـر
الدفاع قدم مستوى ممتاز .. دياس عاد البرازيلي بو دماغ اللي نحبـه
و بيافا يواصل كونه المدافع الراقي و الجندي المجهول للفريـق
و بيتكوفيتش يستحق الاشادة انه ما تجرأ على الميـلان نفس مباراة نابولي
و لعب بشكل متراجـع بالدفاع و لعب بـ شكل طبيعي في الوسط و الهجوم و كسبنا الشوط الاول بـ نجاح
كاندريفا بطل هاللاعب بطل .. بدلناه مع ديل نيرو و جبناه إعارة و الحين شرينا نص بطاقته بـ 1.7 مليون يورو
والله هاللاعب يستاهل 10 مليون بالراحـة على هالاداء و الروح الكبيرة اللي يمتلكها
الهدف اللي سجله هو اللي بدء الهجمة من الجهة اليسرى و رفعها و انقطعت و رجع ضغط من اليسار الى منتصف الملعب و قدر يقطع الكرة و اتجه للجهة اليميـن .. والله اني اقول شوووت شوووت شوووت ^_^ و يوم شات جابها 90
بين الشوطين كتبت بـ ان ماوري اقل اللاعبين مردود و الله العالم ان سوالف المحاكم هي اللي خلت اداءه بهالشكل
و طالبت بـ دخول كافاندا مكانـه و صعود لوليتش للوسط كـ جناح
و اشوف التبديل اللي سواه بيتكو تبديل صحيح لكن اصابة لوليتش فيما بعد خربطت الحسبـه
دخول كافاندا كان للضغط اكثر على ايمانويلسون و لوليتش يسانده
لكن اللي حصل ان لوليتش تقمص دور ماوري و المفروض اللي يصير العكس .. كاندريفا يتقمص هالدور لـ ضرب الميلان بالمرتدات برفقة كلوزه بما ان جهة كونكو ما كان عليهم ضغط كبير .. و يكون لوليتش ثابت كـ جناح قدام كافاندا للضغط على ايما و اباتي السريعين
بيتكوفيتش تورط بشكل عام لأن عنده لاعبين كثر لياقتهم انعدمت
و شفنا ان روكي و كانا و كافاندا و سياني هم اللي كانوا يسخنون
روكي مكان كلوزه .. كافاندا مكان ماوري .. كانا مكان التاتا
هاذي التبديلات المتوقعه
لكن المشكلة ان لوليتش اصاب و كاندريفا اصاب و الاثنين اصبحوا ما يقدرون يساندون الدفاع ابد
التاتا انتهى المسكين بالشوط الثاني .. كلوزه هو الوحيد اللي قعد يحاول يساند لذلك استمر طوال المباراة
آخر 7 دقايق تقريباً بيتكو غير التكتيك الدفاعي بـ ارجاع كانا قلب دفاع ايسر و لعب بـ 5 دفاع
و قدامهم 3 محاور بروكي و هيرنانيس و ليديسما و 2 هجوم كلوزه و لوليتش
التكتيك هذا ساعد كافاندا على التنفس شوي لانه ضمن انه في مدافع وراه يساعده و هو كانا
لذلك شفناه حتى هجومياً قعد يصعد للهجوم لأنه ارتاح من الضغط اللي كان حاصل عليه دون وجود مساندة
ظروف المباراة هي اجبرت الفريق يظهر بـ الشكل هذا في الشوط الثاني
اضافة الى التراخي الكبير بعد الهدف الثالث اللي سجله الاسطورة كلوزه
اضافة الى اننا ما عندنا لاعبين اجنحه على الدكة يأدون دور ماوري او كاندريفا
الوحيد اللي قادر يأدي دور ماوري هو ايديرسون و مصاب
بينما كاندريفا لازلنا لا نملك لاعب بديل لـه حتى الآن
عموماً مبرووووك الفوز .. الثلاث نقاط هي المطلب الرئيسي و حققنا هالشيء
الحين عندنا مباراة ضد باناثينايكوس بالدوري الاوروبي و اتمنى يلعب بيتكوفيتش بـ كافة الاحتياطيين المتوفرين بحكم ان روكي و بروكي غير مدرجين بالقائمة .. و يعطي راحـة للاعبين الاساسيين كافة لأن بعدها عندنا مباراة مهمة قدام الفيـولا