خسارة غير مستحقه و الفوز كان هو الامر المستحق لـ لاتسيـو
شد عضلي يصيب بيافا قبل الهجمة و بورييلو ينفرد و يسجل
و الواضح ان الاصابة اكثر من شد و الله يستر و يغيب
لأنه بالنسبة لي اعتبره المدافع الاول بالفريـق
بيافا حظه اقشر .. العام ليديسما كسر سنونه و شق لثته و سبب له ازمـه من كرة ميتـه
و قبل موسمين ارضية السان سيرو خلـته يزلق و ايتـو سجل هدف من هجمة ميتـه و حرام تسمى هجمة بعد
مباراة تقهر والله لكن هاذي هي كرة القدم
بعض النقاط اللي احب اتكلم عنها .. بداية مع سياني المدافع الفرنسي
مدافع بطل بطل بطل بصراحة ثقة و قوة و ارتقاء خرافي .. الدفاع يطمن اكثر بوجوده من وجود دياس
عجبني مستواه كثير هالخال و ان شاء الله يستمر على طول بهالمستوى
و رغم انها المباراة الاولى اللا انه كانت متفاهم عدل مع بقية الفريق و خاصة خط الدفاع
كافاندا على اليسار بدء يتأقلم و قاعد يؤدي مهامه الدفاعية و الهجومية على اكمل وجه
اذا استمر بهالمستوى اعتقد انه ماله داعي نجيب ظهير ايسـر .. و يفضل اننا نجيب ظهير ايمن لـ تعويض كونكو
ليديسما قدم مستوى طيب لكن كالعادة مستوياته الجيدة تظهر قدام الفرق اللي ما تلعب كرة سريعة و تضغط على حامل الكرة .. لازم ليديسما يحاول يحسن من هالعيب اللي فيـه
كاندريفا منحوس و ما كان يومه للتسجيل .. فري بدع قدامـه و شال كل كراته الخطرة
لوليتش ما كان في يومـه و اعتقد ان اللعب الهجومي و تواجده بـ مركز الجناح يحد من خطورته
لأن ميزه البوسني لما ينطلق من الخلف و يفتح سبرنت .. لكن الفريق كله يهاجم و هو يلعب جناح ما يكون في مساحة قدامه عشان يفتح فيها سبرنت
زاراتي واضح انه مو مندمج حتى الآن مع افكار بيتكو لكن الجميل فيه ان الانانية الزايدة ما كانت موجوده
رغم ان عقليته لازلت طفوليـه لحظة تبديله .. ما شفت اللقطة بسبب انقطاع البث لكن شفتها بالصور
و اعتقد انها راح تكون مادة دسمـة للاعلام يسببون من خلالها بلبله
كوزاك لعب لحاله قدام 7 مدافعيـن ما كان في زيادة عددية داخل منطقة الجزاء مثل اللي يعملها ماوري دايم
زاراتي كان يفضل اللعب على الاطراف اكثر و محاولة الدخول للعمق من اجل التسديد فقـط
رغم ان اخطر فرصة لـ زاراتي يوم عمل زيادة عددية بـ منطقة الجزاء و كاد يحرز الهدف الاول من عرضية سكالوني
و اعتقد ان كوزاك قدم اداء جيـد و كاد ان يحرز هدفيـن لكن اللي نقصه بشكل عام المساندة من الخلف
بيتكوفيتش بالرغم من المداورة اللا انه حافظ على نفس النهج و نفس التكتيك و هالشيء يحسب له
يمكن الخلل البسيط كان في مركز زاراتي و ان ماوريتو ما كان متأقلم و مندمج عدل مع الاسلوب
حاول يتفادى هالخلل بإشراك الاساسيين التاتا و ماوري و كلوزه لكن دي كانيو امر لاعبيه بالدفاع كلهم
مو مصدق طبعاً انه بـ يحصد الثلاث نقاط لأنه اساساً كان يبي نقطة و قام يطلع مهاجمينه ويلعب وسط و دفاع