بصراحه الله يعين المدرب !!
لكن بيتكوفيتش إذا كان صج فاهم لازم يعمل توليفه ممتازه حتى مايرهق جميع اللاعبين وبنفس الوقت الكل ياخذ فرصته
لازم يعمل ثلاث تشكيلات :
الأولى تكون ثابته بالدوري واليورو ليج ويعتمد عليها بأغلب الموسم والثانيه تكون أحتياطيه للتشكيلة الأساسيه ( يعني يريح فيها بعض اللاعبين ويدخل مكانهم لاعبين أخرين وأقصد بكلامي هذا بمسابقة اليوروليج ) والثالثه تكون خاصه للمباريات الي تكون مضمونه نتيجتها ومباريات الكاس
قانون الإتحاد الإيطالي الجديد يسمح للمدرب أنه يجلب معاه 12 لاعب للدكه وهذا الشي ممكن يفيد بيتكوفيتش
إذا كان الفريق فايز وضامن النتيجة يدخل اللاعبين الزايدين عن الحاجه مثل سكولي وماتوزاليم وفوجيا .. وإن كان الفريق متعادل أو خسران لا سمح الله يدخل اللاعبين القادرين على تغيير النتيجة
أو أنه يسوي له فريق خاص للطوارئ لأن إصاباتنا كثيره + أحتمال غياب اللاعبين بسبب الكروت الملونه والإيقافات بسبب العقوبات
وأنا شخصياً ما أزعجني عدم خروج اللاعبين الزايدين لأن الموسم الي طاف لما طلعوا من الفريق أنهرنا بسبب الإصابات وما وجدنا البديل
بهالحاله ضمنا مشاركة الجميع والفريق بالأخير هو المستفيد لأن هالشي يخلق روح المنافسه .. لكن على بيتكوفيتش أنه يتكلم مع اللاعبين ويخبرهم أن مافي أحد ضامن مركزه الأساسي حتى تكون المنافسه كبيره بين اللاعبين
فشل إدارتنا بتصريف اللاعبين الزائدين هو الطلبات الماليه الي يطلبها لوتيتو