مبروك الفوز المهم و الثاني على التوالي في معلب اتلانتا العنيد و اللي كان يسبب لنا عقده ،،
عجبني امس هرنانيس بتحركاته مع كلوسه ،، هرنانيس امس قطع كثير من الكور و حولها من هجمه للخصم الى مرتده لصالحنا بس لا زال يحتاج للدقه اكثر في الباصات الارضيه القصيره ،،
كلوسه تحركه امس غريب ،، كان يمشي الكوره و يصنع الهجمه و كآنه لاعب وسط وليس مهاجم ! و كثير من الاحيان خصوصا ً الشوط الثاني تشوفه ماسك جناح يسار و يدافع و ماوري مسنتر في النص كآنه رآس حربه !!
اتمنى بيتكوفيتش ينتبهه لهذا الشي ،، خطوره كلوسه داخل الصندوق وليس خارجه و لو العرضيات امس كنت متقنه كان شهدنا هدف راسي من كلوسه ،،
عموما ً مع عوده اديرسون ،، انصح بيتكو ان يخلي هرنانيس سنتر نص و قدامه اديرسون و يخلي لديسما يلحس الخط ،، هرنانيس تفوق على لديسما امس دفاعياً و هجوميا ً بشكل كبير من وجهه نظري
بالتوفيق