الوديات ما تهمني و ما احكم فيها على المدرب لأن المدرب قاعد يجرب
و خاصة انه مدرب جديد يعني شيء طبيعي و عادي هالامور تصيـر
بس نقطة وحيدة على بيتكوفتيش 4-4-2 ما تصلح لـ فريقنا .. صحيح عندنا كاندريفا و لوليتش اجنحه و سريعين
لكن ما عندنا محاور سريعة تدافع بسرعه و تهاجم بسرعه .. و قدام تورينو خير دليل ليديسما و ماوري ابطئ لاعبين عندنا محاور و لاعبين تورينو سردادي مردادي قدامهم !! .. اضافة الى انها تقتل ادوار بعض اللاعبين مثل هيرنانيس و ماوري و ايديرسون كـ صانعين لعب
بالنسبة للاعبيـن فـ غاريدو دفاعياً سـالب صفـر .. كارثة دفاعيـه لا يعرف يغطي و لا يعرف يدافع و لا يعرف يطبق التسلل مع ربعـه .. الهدف الاول و الثاني هو سببهـم ! لازم نشوف لنا ظهير ايسر يساند رادو في حال غيابه لأننا اذا بـ نعتمد على غاريدو واللا زاوري بـ نروح فيها !!
اما زاراتي فـ اختلف مع اخوي عمـر للأسف اشوفه من اسوأ اللاعبيـن !! مراكض و مجهود على قل سنـع !
بدايـة المباراة كان مستواه حلو و بيني و بين نفسي قلت يمكن زاراتي تغير حتى له احد الفرص كان منفرد تقريباً لكن مررها لـ روكي بس المدافع قطعها .. عجبني ان الانانيـه راحت من عنـده
لكن يوم صارت النتيجـة 2-0 رجع زاراتي القديـم .. متنرفز و معصب و يبي يطوف مدافعين تورينو كلهم و يبي يسوي كل شيء و يبي يعدل النتيجـه لحالـه .. رجع كابتن ماجد !
حتى اللي شاف المباراة في الشوط الاول راح يشوف ان لا روكي ولا كاندريفا و لا لوليتش الثلاثي الهجومي بينوا ابد !! .. زاراتي ياخذ الكرة و يبي يطوف و يطيح و ياخذ فاول و مدري وش !!
والله حتى فاولين مدري ثلاث فاولات مو صحيحات و مدافعين تورينو كانوا يدخلون على الكرة بس الحكم يعطي زاراتي فاول !!
هاذي مو كرة و هذا مو لعب .. اذا زاراتي ما راح يتسنع خلاص نلعب 9 دفاع و نضمن انه ما يدش علينا جول و نخلي زاراتي هجوم .. يفرفر على كيفه و يطيح و ياخذ فاول واللا بلنتي !!! .. اما انه يلعب و جنبـه ربعـه فاتحين له اكثر من مرة و يسحب عليهم و يلغي دورهم بالملعب
يعني اذا بـ ناخذها من زاوية ان زاراتي يتحرك و قاعد يسوي كل شيء فـ نقول ان زاراتي هو افضل لاعب بالشوط الاول
و بالمقابل نقول ان لوليتش و كاندريفا و روكي مع غاريدو افشل لاعبين !! و بـ استثناء الاسباني هذا للأسف مقياس خاطئ ! .. لكن اذا نبي نحسبها من هالزاوية فـ هذا الواقع لأن لا روكي ولا لوليتش و لا كاندريفا بينوا بالشوط الاول نهائياً !!
اذا بالوديات زاراتي يتنرفز بهالطريقة و يبي ينقذ الفريق و مدري وش .. اجل بالرسميات وش بـ يسوي !!
شكلنا بـ نرجع لـ موسم بالارديني و زاراتي بـ يطق الصدر سـ انقذكم من الهبوط و آخرتها يرجع ريجا و ينقذنا روكي وفلوكاري !
الله المستعان