عواااد كلامك صحيح ميه بالميه .. لكن السؤال يبقى في عدم التطبيق
يعني أنا بسالفة أن الفريق كان ممتاز في مرحلة الذهاب متفق معاك ألف بالميه وريّا كان شغله مضبوط لأن عنده وفره باللاعبين
لكن المصيبه جت من المركاتو الشتوي وأكبر دليل 10 خساير جتنا من أفشل فرق الكالتشيو ..
أوكي الفريق هالموسم فاز على الفرق الكبيره .. لكن شنو الفايده إذا مافزت على الفرق الصغيره الي هي تحسم اللقب.
على سبيل المثال نادي ليفربول في كل موسم يفوز على أغلب الفرق الكبيره ( مانشستر يوناتيد وتشلسي وأرسنال وتوتنهام والسيتي ) .. لكنه دايماً يتملطش قدام الفرق الصغيره ولو تشوف ترتيبهم في نهاية كل موسم تلقاهم الثامن أو العاشر
الفرق الصغيره هي الي تحسم اللقب مو الكبيره ..
الفوز على الفرق الكبيره له فايده وحده وهي أنك ترفع الروح المعنويه للفريق + ممكن تحسم أمور المراكز من خلال المواجهات المباشره لا أكثر ولا أقل
بالنسبة لريّا نفسه .. أنا سبق وقلت إذا ما جبنا مدرب أفضل من ريّا فالأفضل أننا نحتفظ فيه لأنه عارف للفريق ولنوعية اللاعبين الموجودين
صحيح مثل ما تفضلت ينقصنا اللاعبين الي ذكرتهم ( جناح أيمن وأيسر وقلب دفاع وهجوم ووسط ) .. لكن هل ضامن أن تاري ولوتيتو يسدون هذي الفراغات ؟؟
ريّا عاجبني بشغله وهي أنه ممكن يوظف لاعب معين بمركز مالعب فيه ويقدم مستوى جيد .. لكن بنفس الوقت ريّا تجيه مباريات يكون فيها غبييييييييي كأنه أول مره يدرب
لاتسيو هو الفريق الوحيد بالكالتشيو طريقة لعبه كلاسيكيه ( اسلوب كرة القدم القديم ) .. وعلشان جذي دايماً نشوف أن رتمنا بطيء والحلول تكون في لاعب ولا أثنين بس
أما فرق الكالتشيو إما تكون هجوميه أو دفاعيه تلعب عالمرتدات
يعني بهالموسم وحسب الأحصائيات الي قريتها عن الكالتشيو .. لاتسيو أكثر فريق بالدوري كانت له محاولات على المرمى عن طريق الكرات الرأسيه من خلال 89 محاوله !! لكن مع الأسف مو مستغلها صح
وهذا يأكد صحة كلامي أن الفريق قاعد يعتمد على لاعب معين بالهجوم من خلال الكرات الرأسيه وهو كلوزه أو كوزاك لأنهم طوال
وهالشي ضيع متعة اللعب بالكرات الأرضيه أو حتى التسديد من خارج منطقة الجزاء الي أشوفه معدوم بالفريق
هذا الموسم مشكلته بالإصابات والإدارة صح .. لكن اللاعبين وريّا كان عندهم أخطاء وحتى دياكيتيه بنفسه قال هالموسم أرتكبنا أخطاء كثيره
حل هذي المشاكل في شيئين .. واحد ممكن يصير والثاني مستحيل
الحل الأول الي ممكن يصير حتى ولو شوي منه وهو التعاقد مع لاعبين كبار من طينة كلوزه وهيرنانيس أو التعاقد مع لاعبين جيدين ودوليين مع المنتخبات الـ 10 على مستوى العالم
الحل الثاني والي يخص ريّا هو أننا نسوي مثل الدوري الإنجليزي .. المدرب يكون مدير فني + نتعاقد مع مدرب خاص باللاعبين يكون موجود بالتدريبات
يعني الأندية الإنجليزيه كل مدربينهم يسمونهم مدير فني .. يعطي التكتيك ويصلح الأخطاء ويحط الخطط .. أما مهمة التدريب الفعلي فتكون لشخص ثاني يكون مسؤول عن أمور اللياقة البدنية والركلات الحرة والتسديد من خارج المنطقة وضربات الجزاء وغيرها
هذي الشي هو الي ينقص لاتسيو من الناحية التدريبيه
الله يعطيك العافيه على النقاش الحلو وماقصرت 