الواضح يا شعب انه الفرق الثلاثة التي تنافس على المركز الثالث تعيش نفس الاحوال
لاتسيو ونابولي والاوديني كلهم غير قادرين على لعب مباراة كل 3 ايام وهذا اثر كثير عليهم
انا انتظرت اليوم حتى اشوف وش بيسوي نابولي قدام اليوفي والاوديني مع سيينا وهم الفريقين اللذان فازا على لاتسيو بالذهاب
اول شي لازم نحلل الموضوع ونفصله فريقنا مو قادر يلعب كل 3 ايام الاصابات كلها جت من الاجهاد وكثير منها كان عضلي كلوزه - ماوري - لوليتش وهم الاكثر تاثيرا على الفريق
الان المسالة بايدينا لازم نفوز على نابولي والاوديني انا اشوف انه هالمباراتين هي اللي بتجيب التاهل
مع اني اشوف انه الفريق لسه مو مؤهل يلعب بدوري الابطال ويمتع زي نابولي او بنفكيا خاصة بوجود ريا
وتغيراته وخياراته الغبية انا ما انكر انه ريا بشكل عام نتائجه جيدة اول موسم انجانا من الهبوط والعام الرابع بفارق الاهداف والسنة الى الان الثالث
لكن ريا كثيرا ما يفشل في توظيف الامكانيات اللي عنده الفريق الان افضل من فريق روسي اللي تاهلنا فيه الى الابطال بعد الكالشيو بولي وايامها روسي فاز 9 مباريات ورا بعض
كنت اقوول دايما انه ريا احسن شي فيه انه يسكر صح ومن الصعب تسجيل هدف على لاتسيو
لكن هالموسم مع اصابات دياز وبيافا فشل كثيرا بالتعامل معها
مرة يجيب ستانكي قلب يسار وهو بالاصل ظهير يمين نستا اللي هو نستا طوول عمره ملعب قلب دفاع ايسر الا مع برشلونة المباراة الي فاتت عشان مكسيس ما يعرف يلعب على اليسار من قلب الدفاع
لكن للاسف ريا عنده رادو ما جربها الا يوم بارما وهو مجبر لو ثبت رادو قلب دفاع ايسر كان ممكن يحل كثير من المشاكل هذه حتى دياكتيه ولا مرة لعبه ظهير يمين وكان دايما مصمم على زاوري اللي لو نحسب كم مباراة كان له اثر مباشر في خسارة النقاط من مباراة ميلان في الذهاب الى مباراة بولونيا
لوليتش كان كفيل بسد خانه الظهير الايسر على احسن وجه وماكنه يلعب كان بسكولي او هيرنانيز وماتوزاليم في مكان هيرنانيز حتى بعد مغادرة سكولي ومع اصابة بروكي وماتو وكانا ممكن يعطي فرصة لواحد من البريمافيرا
لديسما كرف اهل اللاعب هذا ما عنده استعداد يريحه ابدا مباراة بارما ليه ما لعب ماتو وبروكي ؟؟؟
بعدين التبديل التكتيكي اللي عمله غبي جدا عن الموسم الماضي لديسما كان محور اللعب في خطة 4-2-3-1
يعني هو اللي قدام رادو وهو اللي يستلم الكورة من دياز ويبدا الهجمة السنه هذه كم مرة سواها ولا مرة حاط بروكي مكانه ومعرووف بروكي لو لعب على اليسار ينكب ما انسى مباراة الميلان ومانشستر لما نزله اتشيلوتي محور يسار وجاب روني الهدف بعد ما اكل بروكي
الخلاصة الفريق لديه ادوات ولكن المدرب للاسف سيء ومع كل عيوبه فهو يحتل المراكز العليا اللي عمره لوتيتو ما وصلها الا مرة وحدة قبل ريا مع روسي
الخلاصة مدرب منتهي بس يخليك من الاربعة الاوائل كل سنة انت كرئيس وش تسوي ؟؟؟؟؟
اذن احنا اللي نبغاه انه الفريق يوصل باي شكل للثالث بعدين نتفاهم