قواك الله يا عيسى على هالموضوع
من قبل لا ادخل الموضوع و شفت العنوان
الرسالة وضحت بالنسبـة لي ^_^
لكن عندي وجهة نظر في هالموضوع
لاتسيو في ايطاليا .. و ابويل في قبرص
ابويل ممكن دولة كاملة تدعمه مو بس جماهيره
دولة فقيرة كروياً و تحاول ان تضع اسم لهـا في عالم المستديرة
اما لاتسيـو وضعه يختلف .. اتحاد ضده ! الناس ضده ! اعلام ضده ! كل شيء ضده !
شيء مو معقـول !!
الكالتشيو للحين يعيش تحت مظلة الفسـاد و تحت مظلة ثلاثي الشمال .. + روما كونهم يشكلون نقطة هامه لهم بالمجتمع السياسي .. اضافة الى دخول نابولي بـ قيادة الاعلامي الهوليودي الكبير دي لورينتـس
يعني مسألة تعليق لوتيتـو على قضية الكالتشيو بولي 2006 ما ادري شنو نسميها
مع انه تم تعليقه لـ 3 اشهـر سنة 2006 مدري 2007 على نفس القضيـة
يعني يحاكم مرتيـن على قضيـة وحده !!
طبعاً استئنف و نجح لكن الاتحاد ( الرائع ) بـ قيادة ( المبدع ) بيتروتشي رافع 3 مذكرات على لوتيتـو
1 - قضية الكالتشيو بولي 2006
2 - فلوس صفقة زاراتي و كروز
3 - طريقة شراءه لـ لاتسيـو و اسهم نسيبه ميزاروما
هاذي ما فيها خيال ان لاتسيـو محارب و حنا نتوهم دفاعاً عن الفريـق
لكن اللي قاعد يحصل شيء ما يدخل المـخ
هالقضايا توها تفتح من عام ( 2004 و 2006 و 2009 ) توهم يفتحونها يوم لاتسيو انهى مديونياته و اصبح نادي يقف على اقدامه و ( ينافس ) !!
اذكر تصريح لوتيتـو العام اللي بحياته ما تكلم عن التحكيم و الاتحاد .. يوم قال ان في اشخاص مو مهم عندهم لاتسيو يصعد لـ دوري الابطال او لأ .. المهم عندهم ان لاتسيو ما ياخذ الـ 25 مليون و يستفيد منها
دولة لازال الفساد يعبث فيها .. و المافيا و المؤامرات لازالت تمشي في عروقها
يحق لنا ان نحلم و ان شاء الله تتحقق الاحلام رغم انوف كل معارض
لكن يجب ان نعرف الواقع .. ان لاتسيو مكروه في ايطاليا و راح يحاولون يعملون كل شيء لـ ( هدمه من جديد )