السلام عليكم ،،
أدري طلع غبار مع هذا الرد لكن تحملوا ... أول شي كيفكم ... إن شاء الله بخير ... ثانياً شكراً على التقديم الجميل للمباراة المهمة اليوم.
عندي بعض النقاط ودي أتكلم عنها ... يمكن بعضها ما تخص المباراة بشكل مباشر.
* زاوري ... الله يستر ... أشوف لو يلعب سكالوني مكانه أفضل .. لو بغى بعد بيتزاري .. أهم شي لا نشوف هـ الزاوري .. اسمه بهذا الموسم ارتبط بالنكبات و الهزايم .. يكفي انه سبب رئيسي بتعادلنا مع ميلان أول مباراة هالموسم ... و أحرجنا بالبلنتي الغبي و الطرد الأغبى في مباراة الفريق ضد الفريق الروماني بالدوري الأوربي و خلانا نقاتل على بطاقة التأهل حتى آخر مباراة... غير الشارع السريع الي كان فاتحه بمباراة الإنتر ... الاعب خلاص انتهى.
* الهجوم حكاية ثانية .. عساك يا لوتيتو وصديقك تاري مبسوطين الحين ... صرفتوا سيسي و سكولي وما عوضتوهم .. أنت تلعب على بطولتين... ومهاجمينك 2 فوق الـ 33 سنة واحتمالية اصابتهم كبيرة .. و كوزاك و روزي توهم صغار و ما ينشد فيهم الظهر ... وشلون تفكر أنت و خويك ؟!! ايه صح نسينا الأسد ماكينوا .
* الفوز اليوم ضروري ... نضغط على أودينيزي كذا + دفعة معنوية قبل مباراة أتليتكو .. مع إن عند احساس كبير إننا راح نتعطل اليوم ... ما أتفاءل ضد الفرق الصغيرة بالأولومبيكو.