هاردلك بصراحـة خسرنا من التعادل نقطتين ثمينتين
لكن للأمانه حارسهم روعـه و شالهم كثيـر
بدايـة مع السلبيـات و خاصة بالشوط الاول
لوليتش مات تماماً بالشوط الاول و ما ظهر بسبب وجود التاتا قدامه اللي يطلع كثير للجناح و ما يضم للعمق
عشان يفتح المساحـة لـ انطلاقات البوسني خلفـه .. التاتا نهائياً ما يقدر يكون بديل لـ ماوري
اضافة الى الجهة اليسرى رادو هجومياً صفر و على غير العادة تمريراته القصيرة اللي يمتاز فيها اليوم كلها غلط
حتى اداءه للأسف كان ضعيـف نسبيـاً
و صراحة بوجود لوليتش و كونكو معنا لازم هالاثنين هم الاساسيين على طول لأنهم يشكلون جبهة هجومية ممتازة
خط الوسـط و تمركز اللاعبيـن عليه علامـة استفهام كبيـرة !!
كانا محور دفاعي دوره بالملعب يقفل على الوسـط و يعطي الاريحيـة للباكات و المحاور بالتقدم على راحتـهم
و مركزه يكون قدام المدافعيـن بالضبـط و هذا هو المركز اللي يلعب فيه من ايام مارسيليـا
بالمباراة اشوف كانا جنب هيرنانيس !! و ماتوزاليـم هو اللي قدام الدفاع
المفروض اللي يصيـر العكس لأن ماتو ممتاز هجومياً بـ عكس كانا اللي اسلوبـه دفاعي تماماً
و بهالطريقـة قتلنا 4 لاعبيـن ( ماتو و كانا و هيرنانيس و سيسيه ) لأن كانا ما عنده مهارات هجوميـة و هيرنانيس ما يقدر يلعب وياه بالوسـط ون تو او يفتح له او يراوغ و ماتو يبقى بالخلف لحالـه .. يعني عمق الوسط ما استفدنا منه ابـد بالشوط الاول .. و بما ان العمق اللي هم خلف المهاجم ما اشتغلوا صح فـ طبيعي جداً نشوف سيسيه ما يظهر
بالعربي الشوط الاول كان لاتسيو ضعيف جداً لا العمق مستفيدين منه و لا الاطراف
فـ ما شفنا ابد كور سنعـه قدام الجول .. و الهدف اللي سجلناه من ركلـة ركنيـه
الشوط الثاني ريجا عرف العلـه و لعب 4-3-3 و ضم هيرنانيس و التاتا للمحاور
و بـ انضمام التاتا للعمق فتـح مساحـة قدام لوليتش للاختراق و الانطلاق نحو الهجوم
وشفنا لوليتش بدع بالشوط الثاني
و صار العمق اقوى شوي و مع دخول روكي اللي يلعب بين قلبي الدفاع حرر سكولي و سيسيـه
و جات فرصة ممتازة للاثنين لكن للأسف اما تضيع او يبعدها حارس ببراعـة
فريقنا مشكلتـه ما فيه صانع لعـب مهمتـه صناعة اللعب للهجـوم
عندنا صانع لعب او منظم لعب اللي هو ماتوزاليم او بروكي او ليديسما اللي يقومون بدور مشابه لـ دور بيرلو تقريباً
اما صانع لعب فعلي فـ ما عندنا اللا ماوري فقـط لأن هيرنانيس يلعب تقريباً كـ مهاجم ثاني خلف رأس الحربـة
دوره اكثـر شي تهديد المرمى و التسديد و ما يصنـع لعـب بشكل كبيـر .. حتى بالديربي و رغم الفوز اداءه كـ صانع لعب ما شفناه
ماوري يوم دخل بالديربي كرتيـن عطاهم لـ سيسيه وحده شاتها الفرنسي و ضربت العارضة
والثانيـة ابعدها هاينزه الى ركنيـه قبل ما يشوتهـا سيسيـه
وجود ماوري يعطي قوة كبيرة للهجوم سواء كان كلوزه او سيسيه او روكي او غيرهم
و وجود ماوري ايضاً يعطي حريـة اكبـر لـ هيرنانيس
و للأسف حالياً ما عندنا لاعب يعوض ماوري و التاتا لاعب بدني تكتيكي اكثر من انه لاعب فني
و ما اعتقد لو تواجد كلوزه و ما كان مصاب راح يفرق اداءنا لأن كلوزه شفناه ايضاً بالديربي
ما صار اخطر اللا مع دخول ماوري و ماتوزاليم اللي هم صناع اللعـب الحقيقيين
بإختصار اتفق مع كلام اخوي عبدالرحمن .. خطة الاجنحـة ما تصلـح و لازم نرجع لـ خطة المحاور لـ حين عودة ماوري
التشكيلـة الانسـب بـ نظري اللي لازم الفريق يعتمد عليهـا على طول
ماركيتي
لوليتش .. دياس .. بيافا .. كونكو
كـانـا
ماتوزاليم ...... ليديسما
هيرنانيس
كلـوزه ... سيسيـه
بالحالـة الهجوميـة تكون الخطـة 3-4-3 تقريبـاً
ماركيتي
دياس ... كانا ... بيافا
لوليتش .. ماتوزاليم .. ليديسما .. كونكو
هيرنانيس .. كلوزه .. سيسيه
ريجا لازم ينتبـه للنقطـة هاذي في لاعبيـن ينجحـون في مراكز ثانيـة
المهاجم الحركي نسبة نجاحـه كبيرة كـ جناح هجومي مثل فوزينتش مثل فورلان مثل لافيزي مثل ايتو مثل سيسيه
لكن المحور الدفاعي الدفاعي بحت يتم اعطاءه ادوار هجوميـة و المحور الهجومي له ادوار دفاعيـه
فـ هاذي ما راح تفيـد الفريق للأسف بل راح تضر الفريـق
عموماً لازال الفريق قادر على التأهل و لازم يلعب على الـ 9 نقاط كاملة حتى يضمن التأهل دون مشاكل و دون الدخول في دوامة معقـده من الحسابات و الاهداف و مدري وش
و ان شاء الله الفريق يبدع قدام بولونيـا و يعوض هالتعادل بـ فوز يوم الاحد بالكالتشيـو