هارد لك للأسف
قلتها بالتقديم و قلتها من قبل و قلتها بالنقل المباشر
لشبونه ما عندهم شي و خطورتهم بالاطراف فقط
و للأسف مجاراتهم باللعب على الاطراف شلة العمق عندنا بالكامل
فـ ما شفنا هيرنانيس و لا شفنا روكي و لا شفنا كلوزه
خسارة تقهر و السبب التحكيم .. 3 تسللات على روكي ولا وحده فيهم تسلل
و تسلل على سيسيه مو صحيح كذلك
حكم الراية واضح عليه انه ضاع تماماً بعد حادثة طرد انسوا .. رفع الراية و تراجع
ما يدري وش يسوي يقول للحكم ان في خطأ او يحسبها ركنيـة
و بعدها قام يخبص بقراراته الغبيه بالتسللات
و حكم المباراة الدايخ بعد قريب من منطقة الجزاء و بلنتي وااااااااااضح و لا يحسبـه
و الفريق بعد للأسف مو متوفق قدام المرمى بشكل غريب عجيب
فرصة كونكو تشبه فرصة كوزاك قدام فاسلوي
فرصة روكي تشبه فرصة كلوزه قدام جنوى
سكولي انفراد تام و يشوتها فوووق
حتى الهدف اللي سجلناه جاء من كرة ثابتـه !
ريجا ما قرأ المباراة بشكل صحيح حاول يجاريهم باللعب على الاطراف لكن فشل
دخول سيسيه و سكولي اعطى قوة للفريق على الاطراف
لكن خروج بروكي هو اللي كان سبب الخسـارة من وجهة نظري
لأن صناعة اللعب من العمق ماتت نهائيـاً
ما في غير هيرنانيس هو اللي قاعد يحاول يصنع اللعب
بروكي لو كان موجود جنب هيرنانيس كان ممكن شفنا الفريق قادر يصنع اللعب من العمق بالاضافة الى الاطراف
كانا صاحب نزعة دفاعيـه و مو قادر على اداء الادوار الهجوميـة مثل بروكي
و كان المفروض مع خروج التشيلي فيرنانديز اللي كانا شل خطورته تماماً كان المفروض يطلع كانا بعد ما ادى مهمتـه على اكمل وجـه و استمرار بروكي بالملعـب
بالاضافة الى خروج بروكي .. الدفاع بهالمباراة رااااااااااااااايـح فيـها من قلب !!
دياس لاعب يمر وراه و يخليه و يهجم على اللي معاه الكرة و يخلي اللاعب اللي وراه على راحتـه
و دياكيتـه كل ما تجيـه الكرة يحاول يتهرب منها يلعبها لـ كانا مع ان كانا بأكثر من لقطة يقوله تقدم
او يرجعها لـ ماركيتي و يقتل الهجمة و يخلي لشبونـه يعيد تنظيم صفوفـه .. يا يشوتها داخل اي كلام
وفي لقطة رادو يبي يمررها لـه و يأشر لـ رادو العبها داخل .. رادو موّه بجسمه و طاف المهاجم و تقدم
مدري شفيه دياكيتـه رفع ضغطي هالمباراة للدرجة هاذي يخاف من الكرة !!
مدري وش تفكيره ؟ ما يعرف يتصرف بالكورة و هي بين رجولـه !
للحين فيه هالعيب هذا اللي يخربط كل مميزاتـه .. فاقد الثقة في نفسه من ناحيـة التمرير
و خاصة اذا كنا نبحث عن الفـوز !!
اللي يخفف من الخسارة تعادل فاسلوي مع زيورخ
لازلت الامور مثل ما هي عليـه بالمجموعة و لاتسيـو قادر على تخطي مرحلة المجموعات ان شاء الله